media editing options
edit caption
Erromatarren herrilanak militarrak edo zibilak ziren.
Lan militarrak
Erromatar armada aldi baterako edo betiko egoteko egindako lekuak ziren kanpamentuak. Denbora igaro ahala, haietako asko jendea bizitzeko gune iraunkor bihurtu ziren. Leon hiriaren kasua da.
Harresiek biztanleak etsaien erasoetatik babesten zituzten. Hamar metro zabal ere izan zitezkeen. Tarragonakoa da erromatar harresien adibide ona.
Lan zibilek zerbitzuak ematen zituzten eta bizi-kalitatea hobetzen zuten erromatar hirietan.
Erromak galtzadak eta bideak eraiki zituen, lurraldea egituratzeko eta hiriak lotzeko.
Akueduktuek ura eramateko balio zuten, bereziki herriak urez hornitzeko, askotan biztanle anitzekoak baitziren.
Hirien azpian, estolderiak eraiki zituzten, hondakin organikoak botatzea eta higienea izateko.
Termak ur bero edo hotzeko bainu publikoak ziren, eta biltzeko gune gisa ere erabiltzen ziren.
Erromatarrek oso gustukoak zituzten ikuskizunak, eta, horregatik, teatro, anfiteatro eta zirku ugari eraiki zituzten, lan dramatikoak eta beste ikuskizun batzuk antzez zitzaten.
Tenplua erlijio-eraikuntza bat zen, erromatarren jainko-jainkosak gurtzeko balio zuena.
Baina Foroa zen erromatar hirietako lekurik garrantzitsuena, salerosketan aritzeko, justizia administratzeko eta erabaki politikoak hartzeko balio baitzuen.
text editing options