Monumento natural Fraga de Catasós, 2000
A Fraga de Catasós, tamén denominada Carballeira ou Souto de Quiroga atópase no nordeste da provincia de Pontevedra no termo municipal de Lalín. É unha pequena área de bosque caducifolio autóctono de gran singularidade e beleza que se desenvolve sobre solos orixinados a partir de micacitas básicas.
Flora
Esta fraga constitúe un bo exemplo de bosque mixto de carballos con castiñeiros. Tal é así que aquí se atopan algunhas das mais senlleiras árbores de castiñeiro de toda Europa, con exemplares de ata 30 m e máis de 5 metros de perímetro na base.
Ademais no estrato herbáceo aparece un dos narcisos endémicos de Galicia e norte de Portugal o
Narcissus cyclamineus en situación vulnerable e recollido no anexo da Directiva Habitat.
| Superficie: 4,52 Ha Altitude: 550 m Tª medias: 12,7 ºC e case sen xeadas Precipitación: 1.290 mm Bioclima: Oceánico semihiperoceánico, cunha amplitude térmica entre 11 e 14ºC. |
Rexión xeobotánica Rexión Eurosiberiana Provincia Atlántica Europea, subprovincia Cantabroatlántica Sector Galaico interior, subsector Ulloa-Deza (3b) |
Medidas de protección |