A singularidade deste Monumento Natural radica na lonxevidade e enormes dimensións destes eucaliptos; varios deles superan os cen anos e probablemente algúns deles acaden as maiores dimensións destas árbores en Europa; un dos exemplares, “O avó”, acada unha altura de máis de 60m e un perímetro de máis de 7 metros. Pero tamén é curioso como no estrato arbóreo inferior desenvólvese o bosque clímax  correspondente a esta área, a carballeira de baixa altitude co fento blecho no substrato herbáceo.