Os bosques son formacións vexetais que posúen árbores no seu estrato superior. Existen numerosas clasificacións atendendo a distintos criterios.
Tipo de copa
Segundo as copas e pólas estean separadas ou unidas distinguimos entre bosques abertos e bosques pechados.
Pola altura
Pola súa altura podemos diferenciar:
- Megabosques, de máis de 50 m de altitude
- Macrobosques – 22 – 50m
- Mesobosques 12 – 22 m
- Microbosques 4 – 12m
- Matos arborescentes de menos de 4 m.
Tipo de folla
Segundo as súas follas sexan verdes todo o ano ou non distinguimos os bosques perennifolios e os caducifolios, nos que as árbores perden as follas na época desfavorable.
Tipo de árbore
Un dos sistemas máis habituais de clasificación é polo tipo de árbore maioritario; se o que máis abunda é o carballo falamos de carballeira, se son as faias, de faiais e a así sucesivamente.
Grado de alteración
Outra clasificación menos coñecida ten en conta a naturalidade ou grado de alteración do bosque. Deste xeito existen:
- Bosques primitivos ou virxes, que nunca foron alterados polo ser humano.
- Bosques primarios ou potenciais, que se atopan en equilibrio coas actuais condicións do territorio. Son resultado do proceso de sucesión que se produxo trala destrución do bosque primitivo por talas, lumes ou avalanchas. Moitos dos bosques galegos son bosques primarios.
- Bosques secundarios, que se atopan nunha etapa xuvenil da sucesión.
Aspecto e criterios bioclimáticos
Por último, atendendo tanto ao aspecto coma a criterios bioclimáticos, recoñecense 6 tipos fundamentais de bosques:
| Tipo | Macroclima | Zonas latitudinais e exemplos |
|---|---|---|
Plurisilva (bosques perennifolios) |
Tropical sen estación seca | Amazonía, Zaire, Indonesia |
Hiemisilva (bosques caducifolios) |
Tropical con estación seca | Bosques caducifolios do cerradao brasileiro, bosques da sabana de África Oriental |
Laurisilva (bosque perennifolio con sotobosque denso) |
Tropical, templado e mediterráneo chuvioso oceánico | Yungas andinas de néboas, bosques subtropicais lauroides de China, monte verde mediterráneo e templado canario-madeirense |
Durisilva (bosques perennifolios con sotobosque denso) |
Mediterráneo con largo periodo de seca estival. | Enciñais e sobreirais do suroeste europeo e noroeste africano. |
Aestisilva (bosques caducifolios con sotobosque rico en herba e plantas bulbosas) |
mayoritariamente en macroclima temperado con veráns chuviosos | Bosques de carballos e faias en Europa e de pradairo en Norteamérica. |
Aciculisilva (bosques de coníferas) |
Boreal e altas montañas temperadas ou mediterráneas | Ampla distribución nos territorios temperados de Eurasia e Norteamérica. Tamén aparecen nas montañas das zonas eutropicales e subtropicales de México y Brasil. |
Hábitats bosques: Que é? | Tipos | Factores | Formación | Enlaces