Segundo a directiva Hábitat da UE, os hábitats costeiros baixo a influencia da auga mariña son:
- Cantís mariños
- Marismas
- Lagoas costeiras
- Dunas costeiras
Os cantís mariños son promotorios rochosos máis ou menos verticais sometidos á acción da ondanada.
As marismas son espazos de contacto entre o mar e a desembocadura dos ríos ou regatos que se atopan recheos de lamas entre canais sometidos á influencia das mareas e a salinidade.
As lagoas costeiras son pequenas enseadas ou acumulacións de auga doce ou salobre na desembocadura de ríos ou regatos que teñen pechada ou case pechada a súa comunicación co mar por barras areosas.
As dunas costeiras son amoreamentos de area impregnada en sal arrastrada ata as praias polas correntes mariñas e acumulada terra a dentro polo vento. A súa orixe está na acción da modelaxe sobre o relevo circundante.
Hábitats costeiros: Que é? | Tipos | Vexetación | Factores | Formación | Enlaces