Tipos de hábitats matos: val do Sil
a. ESTEBAIS
Os estebais galegos aparecen nas escasas zonas de Galicia que podemos dicir que teñen un clima mediterráneo, sobre solos acedos e empobrecidos pola tala ou queima de bosques de aciñeiras.
As súas especies representativas son as distintas especies de estebas e carpazas (Cistus ladanifer, C. populifolius, Cistus salvifolius), o cantroxo sampaioano e o tomiño (Thymus mastichina). Estas plantas son fáciles de detectar polo aroma moi recendente dos seus aceites esenciais, as grandes flores brancas das estebas e carpazas e o aspecto aberto e alto do mato de ata 2 m de altura.
Así pois estas especies indícanos os lugares de maior amplitude térmica anual e menores precipitacións da nosa comunidade. Distribúense pola conca oriental do río Sil, incluíndo as partes baixas dos seus afluentes da marxe esquerda como o Xares, Bibei ou Casaio, entre os 400 e 700 m aproximadamente.
Máis arriba son desprazados polos matos de uz moura con carqueixa.
b. TOMIÑEIRAIS
Os matos de tomiño son comunidades claramente mediterráneas, de baixo porte, caracterizadas pola presencia de tomiño (Thymus zygis, T. mastichina), que crecen soamente nos afloramentos calcáreos da Serra da Lastra , no límite co Bierzo leonés, desde o Sil ata os 700-800m.
Voltar ao mapa dos tipos de hábitats matos
Hábitats matos: Que é? | Tipos | Factores | Formación | Enlaces