Banatu lau kideko taldetan. Taldeko ikasle bakoitzak pertsonaia hauetako bat aukeratuko du:

• Claudius, herritar askea, Erromako familia garrantzitsu eta aberats baten ondorengoa. 25 urte. Hiriko bizitza politikoan esku hartu ohi du. Egunero, 50 esklabok egiten dute lan haren lur eta ondasunetan.

• Octavia, Claudiusen emaztea, 18 urte. Senarra errespetatzea da haren betebeharra. Beti lagunduta atera behar du, eta belo batek estalita. Ezin du parte hartu bizitza politikoan. Esklabo bat dauka bere zerbitzura, Gaia.

• Gaia, 14 urteko neska. Erromatar armadak haren herria konkistatu zuen, Hispanian, eta esklabo eraman zuten Erromara. Ordudanik, Octaviaren agindupean lan egiten du, garbitzen eta josten. Ez dauka inolako jabetza izateko eskubiderik, eta ugazabek ez dute gizakitzat hartzen.

• Fabius, libertoa, 45 urte. Claudiusen esklaboa izan zen urte batzuk lehenago, baina hark askatasuna eman zion. Urregintzan dihardu, eta diru asko samar irabazi du. Erromako bizitza politikoan esku hartu nahiko luke, baina legeek galarazi egiten diote.

Lau pertsonaia horiek egunkari bat idazten dute, eta hartan beren bizipenak, kezkak eta esperantzak jasotzen dituzte. Egunkari horretan sarrera bat idaztea izango da zuen lana.

Sarrera hori idazteko, kontuan hartu adibide hau (lehen pertsonan dago idatzita, eta egunaren hasiera kontatzen da beste ezer baino lehen):

Egunkariko sarrerak, gutxienez, 200 hitz izan behar ditu. Idazten hasi baino lehen, zuen pertsonaiaz dokumentatu behar duzue; horretarako, web-helbide hauek erabil ditzakezue:

• Claudius: http://recursos.cnice.mec.es/latingriego/Palladium/cclasica/esc335ca1.php

• Octavia: http://sepiensa.org.mx/contenidos/historia_mundo/antigua
  /roma/mujeres/mujer_1.htm

• Gaia: http://sepiensa.org.mx/contenidos/historia_mundo/antigua
  /roma/esclavos/esclavo.htm

• Fabius: http://sepiensa.org.mx/contenidos/historia_mundo/antigua
  /roma/libertos/liberto.htm

Gainera, web-helbide honetan informazioa aurki dezakezue Erroma Klasikoko eguneroko bizitzari buruz, eta informazio hori baliagarria izan daiteke zuen idazkiak egiantza izateko.

Aurkituko dituzuen datuetan oinarrituta, zuen pertsonaiaren eguna nola hasten zen asma dezakezue, zer jaten zuen, edo zer janzten:

• http://iessapostol.juntaextremadura.net/latin/vida_roma.html

Talde bakoitzak “blog” batean jarriko du taldekideek idatzitakoa. “Bloga” webgune bat da, egile baten edo batzuen testuak edo artikuluak jasotzen dituena. Zuen irakasleak sortutako “blogean” sartzeko, jo honako web-helbide honetara, eta erabili emango zaizkizuen erabiltzaile-izena eta sarrera-gakoa:www.blogger.com

“Blogean” lau sarrera sortuko dira, bat pertsona bakoitzarentzat. Sarrera bat sortzeko, erabili Bloggerreko kontrol-panelean agertzen den Sarrera berria aukera:

Idatzi zuen pertsonaiaren izena Izenburua izeneko gunean. Egunkariko sarrera beheko leihoan idatz dezakezue (sarrera testu-prozesadore batean idatzi baduzue, informazioa kopiatu eta itsatsi egin dezakezue):

Kontuan hartu letra-estiloa edo -neurria alda dezakezuela edizio-menua erabiliz. Nahi baduzue, irudiak edo loturak ere jar ditzakezue zuen lana osatzeko:

Sarrera bat argitaratzeko, aukeratu Sarrera argitaratu (edizio-leihoaren azpian dago). Era berean, zuen sarrera Aurrebista aukeraren bidez bistara dezakezue.