MATEMATIKA Arloa
Irakasleentzako gida
AurkezpenaOrientabideakOrientabideakOrientabideakOrientabideakOrientabideakProgramazioaProgramazioaProgramazioaProgramazioaOinarriakOinarriakOinarriakOinarriakOinarriakOinarriak
1 de 16
0%
Aurkibidea
Kredituak
Kredituak
© Itinerarium 2011

ZUZENDARITZA: Narcís Vives
KOLABORATZAILEAK:

  • PRODUKZIO-ZUZENDARITZA: Antonio Cara
  • EDUKI-ZUZENDARITZA: Mª Cristina Pérez eta Magdalena Garzón
  • MATEMATIKA ARLOAREN KOORDINAZIOA: José Orenga
  • ZUZENDARITZA TEKNIKOA: Maite Vílchez
  • EGILEA: Raquel Abrate eta José Orenga
  • GAZTELERAZKO BERTSIOAREN ESTILO-ZUZENKETA: Anna Betriu eta Joan Martín
  • EUSKARARA ITZULPENA: Bakun itzulpen eta argitalpen zerbitzuak, s.l.
  • MAKETAZIOA: Maite Vílchez eta Miquel Gordillo

Aurkezpena

PROPOSAMENA TESTUINGURUAN KOKATZEA

Gure proposamena farmazia-industriaren laborategi batean kokatuko dugu. Laborategiari zenbait sendagai prestatzeko eskatu zaio. Fikziozko eszenatoki horretan, masa eta edukiera zer diren eta horien neurri-unitateak ikasten dituzte ikasleek. Ondoren, bereganatu dituzten ezagutzak aplikatuko dituzte, zenbait objekturen masa eta edukiera neurtzeko eta iritzira kalkulatzeko, eta eguneroko testuinguruetako problemak ebazteko.

JARDUEREN SEGIDA

A Etapa - Sarrera

  • 1. jarduera. Masa eta edukiera kontzeptuak ulertzea, eta haien neurri-unitateak eta baliokidetasunak ezagutzea.

B Etapa – Garapena

  • 2. jarduera. Objektuen masa eta edukiera zehaztu, alderatu eta iritzira kalkulatzea.

C Etapa –Bukaera eta ebaluazioa

  • 3. jarduera. Eguneroko testuinguruetan, masa- eta edukiera-problemak ebaztea.

  • Arloa: Matematika
  • Gaia: Masa eta edukiera
  • Unitate Didaktikoa: Neurria
  • Maila: Lehen Hezkuntzako 5. maila
  • Saio kopurua: 3

Ibilbidea

Gida honek atal hauek ditu:

Orientabideak

ORIENTABIDE METODOLOGIKOAK

1. JARDUERA. EDUKIERA- ETA MASA-UNITATEAK IKASTEN (SAIO BAT)

Lehenengo jardueraren helburua da ikasleek masa eta edukiera kontzeptuak, haien neurri-unitateak eta haien arteko baliokidetasunak ezagutzea. Horretarako, garrantzitsua da egin beharreko gida eta koordinazioa, helburua ez baita ikasleek era autonomoan eskuratzea kontzeptu berriak, irakaslearekin elkarrekintzan jardunez baizik.

Horrela, adibidez:

Aurkezpeneko diapositiba batean, galdera hau azaltzen da: Ba al dakizu litro bat urek kilogramo bateko masa duela? Galdera honen inguruan denbora pixka batean aritzeak merezi du.

Beharbada, ikasleek badituzte aurrez horri buruzko ezagutzak. Dena den, egoera aproposa da ezaugarri hori urak soilik duela argitzeko. Uraren dentsitateagatik gertatzen da hori. Dentsitate desberdina duen beste edozein likidorekin ez da hori gertatzen, nahiz eta ohikoa izan baliokidetasun hori ezartzea. Irakasleak erabakiko du, dena den, gai horren inguruan jardutea egokia den ala ez, dentsitatearen kontzeptua oraindik garatu gabe egon baitaiteke etapa honetako ikasleentzat.

Aurrerago, edukiera kontzeptuaz arituko gara. Bolumena eta bolumen-unitateak gogora ekartzea ere egokia da, bai eta bolumenaren eta edukieraren arteko desberdintasunaz jabetzea ere. Gainera, adierazi behar da gorputz baten bolumena ez dela beti luzera-neurriekin egindako kalkuluen bidez zehazten, “ontzi” moduan (jasotzen duen gorputz gisa, bere barnean beste bat hartzen duenaren gisa) duen edukiera kalkulatzen dela baizik. Dena den, bolumena eta dentsitatea lantzea ez da sekuentzia honen helburua, baina beharrezkoa da horiek aipatzea.

Edukiera-unitatea (litroa) ere gogora ekartzen da, bai eta aurkezpenean aipatutako aurrizkien erabilpena ere, multiploak eta azpimultiploak adierazteko. Edukiera-unitateen arteko baliokidetasunak ere zehazten dira. Gainera, taula erabiltzen ere erakusten zaie ikasleei, diapositiban azaldu diren adibideak ulertu dituztela ziurtatzeko.

Hurrengo diapositibetan, masakontzeptua lantzen da. Beharbada, ikasleek badakite aurrez zer desberdintasun dauden masaren eta pisuaren artean, bai eta zer neurri-unitate dituzten eta zer tresnaren bidez neurtzen diren ere. Dena den, zalantzak argitzeko denbora-tarte bat izatea onuragarria izan daiteke.

Bateratze-lana lagungarria da kontzeptuak finkatzeko eta akatsak zuzentzeko.

Aurkezpenean ikasitakoa aplikatzeko, bi asoziazio-jarduera erraz proposatzen dira. “Gehiago jakiteko” atalean ageri den loturan jarduera osagarri gehiago dago.

Jarduerara joan

2. JARDUERA. OBJEKTUEN MASA ETA EDUKIERA NEURTZEN (SAIO BAT)

Jarduera honen helburua da zenbait edukieratako gorputzak alderatzea eta ordenatzea (1.1), zenbait tamainatako gorputzak alderatu eta masa handienekoa zein den zehaztea (1.2), objektu horiek espazioan hartzen duten tokiarekin lotzea eta eguneroko bizitzako zenbait objekturen edukiera iritzira kalkulatzea (1.3). Azken atal hori ebaztean, kantitate guztiak neurri-unitate berean jarri beharko dira (litrotan, adibidez), lotura errazago egiteko.

Azkenik, jarduera bukatzeko, ebazpenean zer zailtasun izan dituzten eta horiek gainditzeko zer bideri jarraitu dieten azaldu beharko dute ikasleek.

Jarduerara joan

3. JARDUERA. EDUKIERA- ETA MASA-PROBLEMAK EBAZTEN (SAIO BAT)

Jarduera honetan, eguneroko testuinguruan agertzen diren problemak ebatzi behar dira, batetik. Eta, bestetik, edukiera- eta masa-unitateen multiploak eta azpimultiploak landu behar dira. “Gehiago jakiteko” atalean, "baskula birtual" baterako lotura ageri da. Bertan, hainbat objekturen masa kalkulatzen treba daiteke ikaslea.

Jarduerara joan

Orientabideak

ERANTZUNAK

1. JARDUERA: EDUKIERA- ETA MASA-UNITATEAK IKASTEN (SAIO BAT)

4. jarduera ("Edukiera") ikasleak ebalua dezake. Proposatutako edukiera-unitateen lotura egokia hau da:

1,54 hl

154 l

15,4 kl

15.400 l

1.540 ml

1,54 l

15,4 cl

0,154 l

0,154 mal

1.540 l

"Masa" jarduerarako:

7,5 dg

0,75 g

7.500 mg

7,5 g

0,75 kg

750 g

7,5 mag

75.000 g

7,5 dag

75 g

Orientabideak

ERANTZUNAK

2. JARDUERA: OBJEKTUEN MASA ETA EDUKIERA NEURTZEN (SAIO BAT)

2.1

3. Edukiera handieneko objektua
2
 1. Edukiera txikieneko objektua

Termo

Vaso

Taza

Irudien iturria: http://www.informamos.net/mpm/

2.2 Kaxa guztiek eduki bera dutenez, bolumen handieneko kaxa da edukiera handienekoa; hau da, espazioan leku handiena hartzen duena eta materia kantitate handiena duena. Kaxa bakoitzaren bolumena hau da: 31.250 cm3 (1.a), 80.000 cm3 (2.a), 56.000 cm3 (3.a) eta 77.000 cm3 (4.a).

2.3.

Tina

1500 dl = 150 l

Eskuak garbitzeko konketa

0,8 dal = 8 l

Kalabaza formako apaingarria

300 cl = 3 l

  • Erantzuna hau da:

Objektua

Neurria

Unitate zuzena

Bicicleta

9.000

g (9 kg)

Coche

1,4

t (1.400 kg)

Lancha

250,6

kg

Caja bombones

420

g (0,420 kg)

Zapatilla

555.000

mg (0,555 kg)

1.900

g (1,9 kg)

5.300

g (5,3 kg)

Hombre

91,35

kg

Orientabideak

ERANTZUNAK

3. JARDUERA: EDUKIERA- ETA MASA-PROBLEMAK EBAZTEN (SAIO BAT)

Erantzunak:

3.1. act_problemas.odt

  • Kamioi batek 13.000 kg-ko masa du karga eta guzti, eta 10.000 kg-koa, kargarik gabe. Kargak 3.000 kg-ko masa du. Araudiak onartzen duena baina karga handiagoa duen jakiteko, daraman karga 3,5 t baina handiagoa den ala ez aztertu behar da. Beraz, 3.000 kg-ak tonatan adierazi behar ditugu: 3.000 kg = 3 t. Balio hau 3,5 t baina txikiagoa denez, kamioiak ez darama gehiegizko kargarik. Beraz, ez diote isunik jarriko. li>
  • Problema hau ebazteko osagai batzuen neurri-unitateak beste neurri-unitate batean adierazi behar ditugu, haien balioa kalkulatzeko. Honela:

100 g = 0,1 kg irin, 0,1 x 0,8 = 0,08 €-ko kostua.

200 g = 0,2 kg azukre, 0,2 x 1,2 = 0,24 €-ko kostua.

30 g = 0,03 kg gurin, 0,03 x 7,3 = 0,219 €-ko kostua.

Arrautzek 4 x 0,1 = 0,4 €-ko kostua.

10 cl = 0,01 l olio, 0,01 x 3 = 0,03 €-ko kostua.

Galletak prestatzeak 0,97€-ko kostua du, gutxi gorabehera: 0,08 + 0,24 + 0,219 + 0,4 + 0,03 = 0,969

    • 6 platanok 6 x 125 g = 750 g = 0,75 kg-ko masa dute; ¾ kg-k 1,26 € balio badu, 1 kg-ek 1,68 € balioko du.
  • 4 x 125 g = 500 g = 0,5 kg (1 € balio zuten). Kilogramo bat jogurtek 2 € balioko dute.
  • 4 x 750 g = 3 kg (3,6 € balio zuten). Kilogramo bat azukrek 1,2 € balioko du.
  • 12 x 25 g = 300 g = 0,3 kg (1,5 € balio zuten). Kilogramo bat arrautzek 5 € balioko dute.
  • 12 x 1 l = 12 l (10,2 € balio zuten). Litro bat esnek 0,85 € balioko du.
  • 30 x 180 g = 5.400 g = 5,4 kg (8 € balio zuten). Kilogramo bat sagarrek 1,48 € balioko du.
  • Oharra: beste aukera bat izango litzateke kilogramoak gramotan adieraztea eta gero zatiketa egitea.

a) 0,04 kg:50 = 0,0008 kg = 0,8 g

b) 0,15 kg:150 = 0,001 kg = 1 g

c) 0,03 kg:60 = 0,0005 kg = 0,5 g

d) 0,15 kg:50 = 0,003 kg = 3 g

e) 0,5 kg:40 = 0,0125 kg = 12,5 g

f) 0,025 kg:20 = 0,00125 kg = 1,25 g
  • 5 kg = 5000 g; 5000g: 125g = 40. 40 pakete osa ditzakegu.
  • 200 x 8g = 1.600 g = 16 hg
  • 4 hl = 400 l; 1000:400 = 2,5. Litro batek 2,5 € balioko du.
  • 120 x 75 g = 9000 g = 9 kg
  • 20 hl = 2000 l; 2000 l – 120 l = 1880 l; 1880l:8 = 235 l (upel bakoitzean)
  • 2.800 t = 2.800.000 kg; 2.800.000 kg : 1.400 kg = 2.000 (bagoi)

Orientabideak

Baliabideak

Writer testu-prozesadorea (Open Office)

Writer
Beste aplikazio batzuk

Open Office instalatzeko eskuliburua:

Web-erreferentziak

Masari eta edukierari buruzko jarduera elkarreragileak. Kanariar Uharteetako Gobernua:

Programazioa

OINARRIZKO GAITASUNAK ETA ARLOARI DAGOZKIONAK

Matematikarako gaitasuna

  • Matematiko edukiak ikasgelatik kanpo erabiltzea, testuinguru esanguratsuetan.

Zientzia-, teknologia- eta osasun-kulturarako gaitasuna

  • Errealitatea ezagutzea eta ingurunearen alderdi kuantifikagarriei buruzko informazioak adieraztea.

Informazioa tratatzeko eta teknologia digitala erabiltzeko gaitasuna

  • Kantitateak eta neurriak alderatzea, hurbiltzea eta erlazionatzea. Zenbait euskarritan adierazitako informazioa interpretatzea.

Norberaren autonomiarako eta ekimenerako gaitasuna

  • Norberaren gaitasunetan konfiantza izatea egoera ezezagunei aurre egiteko.

  • Planifikatzea, baliabideak kudeatzea eta emaitzak balioestea, problemak ebaztean edo egoera irekietan.

Ikasten ikasteko gaitasuna

  • Ikasketa-prozesuak hitzez adieraztea.

Programazioa

IKT GAITASUN OROKORRAK ETA IKASMAILAKOAK*

* Lehen Hezkuntzako 5. mailako ikasleentzako “Eskola 2.0” proposamenaren IKT gaitasunerako itemak, eranskin honetatik hartuak: IKT gaitasunen mapa .

Bizitza osorako ikaskuntza

B1. Komunikatzea eta lankidetzan aritzea

  • B1.3. IKT baliabide espezifikoak erabiltzea kide eta irakasleekin lankidetzan aritzeko, taldean lan egiteko, modu kritikoan pentsatzeko eta arazoak konpontzeko

B2. Ingurune birtualetan moldatzea

  • B2.1. Ingurune birtual bat maneiatzen hastea eta ingurune horietako oinarrizko eragiketak ikasteko gai izatea

B3. Informazioa kudeatu, sortu eta balioestea

  • B3.1. Beren interesetarako IKT baliabide espezifikoak aukeratu eta erabiltzea

  • B3.2. Irizpide heteronomoak aplikatzea informazio esanguratsua aukeratzeko

Trebetasun teknologikoa

T3. IKTak testu-informazioa prozesatzeko erabiltzea

  • T3.1. Testu-prozesaketako oinarrizko eragiketak egitea (kopiatu eta itsastea; formatua, lerrokatzea eta orrikatzea zehaztea; irudiak txertatzea; tipografia eta tamaina aldatzea; dokumentuak artxibatu eta inprimatzea)

T4. IKTak zenbakizko informazioa prozesatzeko erabiltzea

  • T4.3. Zenbakizko datuez oinarrizko eragiketak egitea (formatua, batuketa, batez bestekoa)

Programazioa

IKASKETA-HELBURUAK

  • Eguneroko testuinguruetan problemak interpretatzea eta ebaztea, eta jarraitutako prozesua eta lortutako ebazpenak ordenan, garbi eta arrazoiak emanez azaltzea eta aurkeztea.
  • Edukiera- eta masa-unitateak eta haien arteko baliokidetasunak bereiztea eta erabiltzea.
  • Masa- eta edukiera-neurriekin eragiketak burutzea.
  • Objektu baten masa edo edukiera iritzira kalkulatzea, beste batzuekin alderatuz.

EDUKIAK

  • Oinarrizko masa- eta edukiera-unitateak.
  • Kilogramoaren eta litroaren multiploak eta azpimultiploak.
  • Zenbait objekturen masa eta edukiera neurtzea eta alderatzea.
  • Zenbait objekturen masa eta edukiera iritzira kalkulatzea.
  • Eragiketak masa- eta edukiera-neurriekin.
  • Masa- eta edukiera-problemak ebaztea.

Programazioa

EBALUAZIO-IRIZPIDEAK

  • Gorputz baten masa eta edukiera kontzeptuak ulertzen ditu.
  • Objektu batzuen masa eta edukiera zehaztu, alderatu eta iritzira kalkulatzen ditu.
  • Problemak ebazten ditu, masa eta edukiera kontzeptuak erabiliz.
  • Berariazko edukiei buruzko arrazoiak ematen ditu (masa eta edukiera, kasu honetan).
  • Elkarlanean aritzen da.

Oinarriak

SEKUENTZIA DIDAKTIKOAK: HASTEKO, 3 GALDERA

Zertarako balioko dizu gida honek?

IKTak ikasgelan aplikatzeko proposamen zehatz bat (sekuentzia didaktikoa) planifikatzeko eta praktikan jartzeko, eta proposamen horren bitartez, hauek lantzeko: oinarrizko gaitasunak eta arlokoak, eduki kurrikularrak eta gaitasun digitalak.

Zer aurkituko duzu?

Gune elkarreragile eta multimedia bat. Bertan, hauek zehazten dira: ikasgelarako programazioa, atazak IKTen bitartez egiteko orientabide didaktikoak, deskargarako estekak eta tutorialak.

Zer egin dezakezu?

Proposamena irakaskuntzan zuzenean aplikatu, zure ikasgelako testuingurura moldatu, adibideetatik abiatuta jarduera berriak sortu eta zure esperientziak beste irakasle batzuekin partekatu.

SEKUENTZIA DIDAKTIKOAK: 5 GAKO

 Material irekia, pertsonalizagarria eta berrerabilgarria
Erabilpen anitzekoa
Bertsio bereiziak irakasleentzat eta ikasleentzat
ADEaren erabilera ikasgelan
Plataforma- eta aukera-aniztasuna
MATERIALAK

Oinarriak

Zer da sekuentzia didaktiko bat eta zer eskaintzen digu?

Sekuentzia didaktiko bat (SD) jarduera-segida ordenatu bat da, ikasleak gaitasun kurrikularrak zein IKT gaitasunak beregana ditzan diseinatua. Sekuentzia didaktikoetako atalik esanguratsuena elkarren artean lotutako jardueren segida da, ikasle orok jarraitu beharko baitio ikasketa-prozesuan.

Funtzio eta ezaugarri ezberdinak dituzten jarduerak lantzeko aukera eskaintzen digu, modu integratuan. Edukia aurkeztea, ulertzea, erabiltzea edo praktikatzea prozesuaren ezinbesteko osagaiak dira, eta elkarri lotutako edukien multzo esanguratsu baten inguruan lan egiteko aukera ematen dute.

Chaval Brasilen argazki bat, Flickr webgunean, CC lizentziapean.

Sekuentzia Didaktiko bakoitza HOD (Hezteko Objektu Digital) bat edo gehiagoz osatuta dago, eta hauek eskaintzen ditu:

  • Sekuentziako edukien deskribapena, aurkezpen interaktibo, kontzeptu-mapa, testu eta podcast formatuan, eduki kurrikularrak hala uzten badu.
  • Edukiaren inguruko hasierako arakatze-jarduera.
  • Edukiaren inguruko jarraipen-jarduera.
  • Edukiaren inguruko laburpen- eta ebaluazio-jarduera.
  • Edukiaren sakontze-jarduera, aukerarik balego.

Hainbat jarduera egin daitezke, proposatutako jarduera-segidari jarraituz, edo horietako batzuk aukeratu eta norberaren sekuentziara egokitu.


Jardueretan zehar sortutako planteamenduek garatu egin nahi dituzte Lehen Hezkuntzarako Oinarrizko Gaitasunak (hizkuntza-komunikaziorakoa, matematikarakoa, mundu fisikoaren ezagutza eta harekiko elkarrekintzarakoa, gizarte- eta hiritar-gaitasuna, ikasten ikastekoa, eta norberaren autonomia eta ekimenerakoa) eta IKT gaitasunak (Eskola 2.0 proposamenean txertatutako ikasleen IKT gaitasunen maparen arabera).


Jarduerak, orokorrean, 2.0 baliabide digitalen erabileran eta sareko lanean oinarritzen dira. Horrenbestez, egindako proposamenetan ikasleak animatuko dira hainbat sare sozialetan informazioa kudea eta argitara dezaten, lankidetzan ari daitezen, eta, eskuratutako informazioa baloratzean, jarrera kritikoa zein hausnarkorra gara dezaten. Aldi berean, gune birtualetan adostutako arauak ezagutzeko eta aintzat hartzeko aukera izango dute.

Oinarriak

Sekuentzia didaktikoen xedea eta egitura

Sekuentzia didaktikoen xedea da ikasleek eduki kurrikularrak ikastea eta gaitasun digitalak eskuratzea, IKTak ikasgelan aplikatzeko proposamen batetik abiatuta.

Ikasleek sekuentziako edukietan aurrera egingo dute etapaz etapa. Banaka egingo dute, baina taldeka egiteko jarduerak proposatuko zaizkie. Etapa bakoitzean adierazi egingo zaie zer egin behar duten eta zer baliabide erabili behar dituzten. Sekuentziek ikasleei eskaintzen dizkiete:

  • Hiru jarduerako edo gehiagoko segida bat, eduki kurrikularrei heltzeko, Lehen Hezkuntzako 5. mailako ikasleei zuzendutako aginduekin
  • Fitxategi erantsiak, jarduerak egiteko eta koebaluatzeko edo autoebaluatzeko
  • Ikasleentzako tutorialak, erabiliko diren programei edo web 2.0 zerbitzuei buruzkoak
  • Sekuentziako IKT baliabide guztiak biltzen dituen atal bat

Landuko den edukiaren arabera, hauek eskainiko dituzte:

  • Jarduerak egiteko erabiliko diren webguneetara, animazioetara eta bideoetara estekak
  • Ebazteko jarduera elkarreragileak

Sekuentziako irakasleentzako gidaren helburu nagusia da irakasleei laguntzea proposatutako ikasketa-segida planifikatzen eta praktikan jartzen. Premisa horiek kontuan hartuta, gidek irakasleei eskaintzen dizkiete:

  • Proposamen didaktikoaren testuingurua.
  • Orientabide didaktikoak, ADEren metodologia erabiliz sekuentzia didaktikoak lantzeko.
  • Proposatutako jardueren erantzunak.
  • Oinarrizko gaitasunak eta arloaren berariazko gaitasunak.
  • IKT gaitasunak (Lehen Hezkuntzako 5. mailako ikasleentzako “Eskola 2.0” proposamenean ezarritakoak).
  • Ikasketa-helburuak, edukiak eta ebakuazio-irizpideak.
  • Proposamenean erabiliko diren materialak eta IKT baliabideak.
  • Prestakuntza-eduki osagarriak, irakasleei sekuentzia didaktikoak garatzen laguntzeko (ADE, web 2.0 tresnak eta e-learning plataformak).

Oinarriak

Ebaluazioa

Ebaluazioak, burututako sekuentzien emaitzak aztertzeko tresna ez ezik, ikasketa-prozesua erregulatzekoa ere izan behar du. Horregatik, sekuentzia didaktikoan txertatuta egon behar du, prozesuan landuko diren jardueren parte izan. Jarduera horiek hausnarketa egiteko aukera eman behar diote ikasleari, egiten ari denaz, izan dituen zailtasunez, egin dituen akatsez, behar duen laguntzaz, eta hobetzeko eta aurrera egiteko bideez.

Ebaluazio hori hausnarketa-ariketa da, aurretiko ezagutzak prozesuan ikasten ari denarekin lotzeko aukera ematen duena. Akatsak abiapuntu gisa hartzen ditu, zailtasunez jabetzeko eta haiei aurre egiteko. Helburua ez da ikasleek zer ez dakiten jasotzea; jakitea baizik ezaguerak nola aplikatzen dituzten, informazioa nola lotzen duten, konponbideak bilatzeko trebetasunak nola aktibatzen dituzten... Ebaluazio horrek irizpide, adierazle eta ikasketa-helburu zehatzen multzo zabal bat izan behar du oinarrian, ez zenbakizko kalifikazio soil bat.

Gaitasunetan oinarritutako ebaluazioak lehenetsi egiten ditu ulertzea, aztertzea, lantzea, justifikatzea eta erantzunak argudiatzea, eta ez informazioa buruz ikastea eta errepikatzea.

Proposatutako jarduerak, nahiz azterketa-, koebaluazio- eta autoebaluazio-tresnak irakasleen erreferenteak dira, ikasleen ikasketa-prozesua nahiz haiek lortutako emaitzak baloratzeko.

Oinarriak

Materialaren aurkezpena eta deskarga

Proiektu honen filosofiaren gakoetako bati jarraiki (Arakatu, sortu, argitaratu eta partekatu), material hau irekia, pertsonalizagarria eta berrerabilgarria da. Materiala erabiltzeko, ondorengo prozesuari jarraitu behar zaio. Gida egiteko erabili diren irudiak sekuentzia jakin bati dagozkio (Laburpena) eta, beraz, orientagarriak dira.

Sekuentzia didaktiko bakoitzak, ZIP fitxategi bat deskargatzeko atal bat dauka. Material deskargagarria.

Lotura hori aukeratzean ZIP fitxategi konprimitu bat deskargatzen da:

Gorde fitxategia botoian klik egingo dugu fitxategia gure ordenagailuan deskargatzeko. Behin ordenagailuan izanda, bi klik egingo ditugu fitxategiaren gainean, deskonprimitzeko programarekin ireki eta edukia ikusteko:

Landuko dugun materiala non gorde zehaztuko dugu eta karpetak bertara aterako.

Behin materiala deskonprimituta, karpeta zabaldu eta hiru karpeta ikusiko ditugu:

  1. Sekuentziaren edukia: Ikasl_sekuentzia

  2. Estiloarekin ikusteko behar diren artxiboak: Zz_programa

  3. Imsmanifest.xml fitxategi bat, Moodle-ek edo antzeko plataforma batek prozesatzeko informazioa duena. Bertan, ikastaroaren edukiak zuzen azalduko zaizkio erabiltzaileari, dagokion balio pedagogikoa erantsita.

Oinarriak

Zer dago karpeta bakoitzean eta zertarako balio du?


Orain karpeta guztiak aztertuko ditugu.

Ikasl_sekuentzia

Sekuentzia guztiek dute Ikasl_sekuentzia izeneko karpeta bat.

  • Sekuentzia ikusteko lehen urratsa “index” fitxategia zabaltzea da eta sekuentzia guztian zehar nabigatzea.
  • Moduluen karpetan hizkuntza direktorio bat dago. Guk “eu” karpeta ikusiko dugu, bertan baitago euskarazko bertsioa.

  • Karpeta barruan sekuentziaren .html fitxategi guztiak daude zenbakiz ordenatuta. Edozein eduki argitaratu nahi badugu, Dreamweaver (jabedun softwarea) edo Kompozer (software librea) erabil dezakegu.

  • “01modulua_p.html” fitxategia inprimatzeko bertsioari dagokio.
  • Materialen karpetan “img” karpeta nabarmentzen da, bertan baitaude sekuentziako irudi guztiak. Baten bat gehitu nahi bada, nahikoa da karpetan txertatzea eta dagokion html lotura egitea.
  • Modu berean, materiala ere txerta daiteke deskargen (fitxategi konprimituak), .swf fitxategien (eskuliburu eta animazioak) eta inprimatzekoen karpetetan; bertan, materialaren .odt bertsioa dago, editatu eta .pdf formatura esportatu ahal izateko.

Zz_programa karpeta

Ondoren zz_programa karpetan sartuko gara, bertan baitaude sekuentzia ohiko estiloan bistaratzeko behar diren fitxategi guztiak.

Karpeta hori egituratik kanpo mugitzen badugu, materiala modu honetan ikusiko dugu:

Imsmanifest

“js” karpetak eta imsmanifest.xml fitxategiak ikasketarako plataforma birtualetako nabigatzaileei dagozkie, eta beraz, ez da komeni haiek editatzea.

Helburu hauek hartu dira kontuan materialen egitura zehazteko:

  • Sekuentzian lantzen diren edukiak pertsonalizatzea.
  • Proposameneko edozein osagai gehitu, aldatu edo ezabatzeko aukera izatea.
  • Irudiak, materialak eta sekuentzien edukiak berrerabiltzeko aukera izatea.

Laguntza

Laguntza
  1. Ezker menua (goitik beherako ordena): sekuentziaren orri nagusiaren ikurra (home), iturriaren tamainaren ikurra, inpresio ikurra, laguntzarako sarrera ikurra eta edukinaren aurkibidearen ikurra.
  2. Materialaren izena barra eta sekzio aktualaren izenburua.
  3. Nabigazio geziak (hurrengo edo aurreko orrialdea).
  4. Edukinarentzako hutsunea.

Autor:

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.

1. Material irekia, pertsonalizagarria eta berrerabilgarria

Sekuentzia didaktiko bakoitzak konprimitutako fitxategi bat dauka, deskargatzeko ZIP fitxategi bat, helburu hauekin:

  • Sekuentzian lantzen diren edukiak pertsonalizatzea
  • Proposamenean edozein atal gehitzea, aldatzea edo ezabatzea
  • Sekuentzietako irudiak, materialak eta baliabideak berrerabiltzea

Sekuentzia honen fitxategia deskargatzera eta askatasun osoz aztertzera gonbidatzen zaitugu. Esteka honetatik egin dezakezu.

Materialen egiturari edo sarbideari buruz laguntza edo orientabideak behar badituzu, ez utzi materialen erabilerari buruzko atala irakurri gabe.

2. Erabilpen anitzekoa

Sekuentzia didaktiko guztiak bi modutan erabil daitezke:

    • ONLINE: Kontsultak sarearen bidez eginez, prestakuntza-plataforma baten bitartez edota esteka edo URL baten bidez.
    • OFFLINE: ZIP fitxategi bat deskonprimituz, ordenagailuan bertan lan egiteko, Internetera konektatu gabe.

3. Bertsio bereiziak irakasleentzat eta ikasleentzat

Sekuentzia didaktikoak sortzean arreta berezia jarri da bi erabiltzaile-profiletan:

  • Irakasleek eskura dituzte ikasleei zuzenduriko lan-proposamena aztertzeko sarbidea, gida didaktikoa eta proposaturiko ariketen erantzunak.
  • Ikasleek eskura dituzte ariketen proposamena ikusteko sarbidea, eta proposamena praktikan jartzeko erabiliko dituzten materialen eta baliabideen zerrenda.

4. ADEaren erabilera ikasgelan

Sekuentzia didaktikoen diseinuak sustatu egiten du arbel digital elkarreragilea (ADE) erabiltzea. Horrela, irakasle batek hauek egin ditzake ikasgelan:

  1. Sekuentzia bat aztertu eta, bertatik, taldean aurkezteko edukiak hartu.
  2. Landu nahi dituen sekuentziaren edukiak, aurkezpenak, animazioak eta materialak proiektatu.
  3. Pixkanaka, praktika berritzaileak ikasgelako eguneroko lanean txertatu.
  4. Ariketa elkarreragileak, problemetako egoeren azterketak, eztabaidak eta taldeko zuzenketak erraztu.
  5. Arbelaren zentzua eta aurkeztutako edukiak indartzeko tresna eta funtzionalitate malguak erabili, ikasleen arreta lortzearren.

5. Plataforma- eta aukera-aniztasuna

Plataforma- eta aukera-aniztasuna

Sekuentzia didaktiko guztiak linean landu daitezke, besteak beste, Moodle edo LAMS plataformen bitartez, ikasleen jarraipenerako eta kontrolerako tresnak baliatuz. Sekuentziak Moodle batean erabili nahi baditugu, beharrezkoa izango da sekuentzien ZIP fitxategia deskargatzea (ikasleen bertsioa) eta Moodle, blackboard edo antzeko ezaugarriak dituen plataforma batera inportatzea.

Horretarako, administratzaile-baimena behar da delako plataforma horietan, eta sistemak adieraziko dituen urratsak jarraitu (garrantzitsua da edukia nola inportatu azaltzen duen plataformako tutoriala oinarri hartzea).