Orientabideak
Orientabide metodologikoak.
1. jarduera. Aurrekontua (saio bat)
Sekuentzia didaktiko honek ikasleek zenbait kontzeptu aritmetiko ulertzea du helburu, eta kontzeptu horiek
jolas-jardueretan aplikatzea. Gainera, kontzeptu matematikoak ulertzeaz gain, ikasleak bizitzako jarduerak antolatzea zeinen
garrantzitsua den jabetzea nahi da; kasu honetan, bidaia bat antolatu beharko dute.
Jarduera hori egiteko, ikasleak biko edo hiruko taldeetan jarriko dira.
Saioa galdera batzuekin hastea gomendatzen dugu, ehunekoei buruz zerbait entzun duten edo kontzeptu horren
esanahia badakiten jakiteko. Ikasleentzat ere baliagarria izango da, matematika eguneroko bizitzan askotan erabiltzen dela
konturatuko baitira.
Hasteko, nora bidaiatuko luketen galde diezaiekegu. Benetako lekua ala alegiazkoa izan daiteke. Garrantzitsuena
da kontzeptu aritmetikoak aplikatu beharko dituztela. Lehenengo jardueran, aurrekontua prestatuko dute, eta kopuru baten zatikiak
kalkulatuko. Kopuru hori 1.765,00 €-koa izatea proposatzen dugu. Taula honetan egin dezakete: tabla1_act1.zip (.odt). Animatu konbinazio bat baino gehiago egitera eta, kalkulagailua
erabiliz, guztizkora gehien hurbiltzen den kopurua lortzera. Ikasleek ez badituzte beharrezko kontzeptuak behar bezain ondo
ulertzen, aurrekontua prestatzen hasi baino lehen kontzeptu horiek berrikustea proposatzen dugu.
Informazioa izan eta gero, taula batean idatziko dute [tabla2_act1.zip (odt)]. Bidaia bat egiteko aurrekontua nola presta daitekeen galde diezaiekegu.
Hasi aurretik, zatikiak, zenbaki hamartarrak eta ehunekoak berdinak direla azalduko da, bai eta askotariko
egoeretan erabiltzen direla ere (proiektatu aurkezpena arbel digitalean: Landu ditzagun ehunekoak).
Kontzeptu horiek ulertu ondoren, talde baten aurrekontuaren taula proiekta daiteke. Taula egitea erraza
izan den ala ez galde diezaiekegu.
Beharrezkoa izanez gero, jarduera bukatzeko errepasoa egin eta zalantzak argi ditzakegu.
1. jarduera.
2. jarduera. Zergak (saio bat)
Zergak zer diren ba al dakiten galdetuko diegu ikasleei. Edozein zerbitzuren edo artikuluren prezioari
haren zati bat gehitzen zaiola konturatzea da helburua. Zati hori zerga bat dela azalduko diegu, eta herrialde bakoitzak bere
azpiegiturak egiteko eta mantentzeko erabiltzen dituela zergak.
Kontzeptua ulertzen dutenean, hau eskatuko diegu: prestatutako aurrekontua oinarri hartuta, zergak zenbatekoak
diren, aurrekontua zenbatean gainditzen duten eta guztira zenbat ordaindu behar duten kalkulatzeko. Horretarako, prozedurak
izango du garrantzia, eta alde batera utziko da datuak benetakoak ote diren eta eragiketa asko egin behar diren.
Talde bakoitzak eskatzen duen neurrian, lagundu ikasleei jarduera hori egiten.
2. jarduera.
3. jarduera. Bidaiatu, gozatu eta gastatu (saio bat)
Azkenik, sekuentzia honetan, bidaia batean gerta daitezkeen bi egoera konpontzeko eskatuko zaie. Lehen
ariketan, jatetxe bateko menuari begiratu beharko diote, eta diru kopuru jakin batekin zer jan dezaketen kalkulatu. Ariketa
horretan, konbinazio bat baino gehiago egin ditzakete, bai eta, kalkulagailua erabiliz, hainbat menu proposatu ere.
Bigarren ariketan, artilulu jakin baten deskontua kalkulatu beharko dute. Horrenbestez, eguneroko bizitzako
egoeretan ehunekoak nola erabiltzen diren ikusi ahal izango dute.
Hirugarren ariketaren bidez, eguneroko egoeretan problemak nola ebatzi ikasiko dute, eta kalkuluak egiteko
prozedurak landuko. Adibide batzuk emango zaizkie, taldeka ebatz ditzaten, eta horrelako zer egoeratan egon diren azaltzeko
eskatuko zaie. Adibide horiek ariketa osagarri gisa proposa daitezke, banaka edo binaka ebazteko.
Matematika ikasteko, desiragarria da ikasleek problema bakoitza nola ebatzi duten argudiatzea. Zer ikasi
duten, zer aukera dituzten eta zer indar dituzten jakiten lagunduko dieten jarduera metakognitiboak ere argudiatzea nahi da.
Horretarako, iradokitako hausnarketa-ariketa egitea proposatzen da. Ariketa horrek ikasleek prozedura ulertu duten jakiteko
aukera emango du, besteak beste.
Osagarri moduan, jardueraren ondorioak ikasgelaren edo ikastetxearen blogean jar daitezke. Horri esker,
esperientzia beste batzuekin elkarbanatuko dute.
3. jarduera.
