3. jarduera
Informazio-audiogida
Iturria: Woices
|
Aurreko jardueran landutako informazioa erabiltzeko unea iritsi da, audiogida bat grabatu eta argitaratuko
baituzue orain. Horretarako, Woices aplikazioa erabiliko duzue.
Ez ahaztu hitz egiteko eta adierazteko modua oso garrantzitsuak direla, bideoan den-dena erregistratuta
geldituko baita, eta era berean, irudietan ikusiko ez bada ere, gorputz-hizkuntza zaindu behar duzuela.
Gogoratu informazioa zuen eskualdean bizi ez direnentzat dela, eta beraz, ez dituztela zuen lokalismoak
ezagutzen (eskualde jakin bateko hitz edo adierazpenak). Hortaz, ez erabili horrelakorik.
Hitz egin lasai eta ongi ahoskatuz. Grabaketa amaitu baino lehen, entzun arretaz eta pentsatu ea aldaketarik
egin behar den.
Gogoratu: jarduera hau egiteko mikrofonoa behar duzue. |
JARDUERA
Gidoia idatzi eta gero, hizlarien txanda da. Irakurri testua hainbat aldiz, edukiaren nondik norakoak ongi jakiteko; horrela,
argiago azalduko dituzue ideiak eta intonazio egokiarekin irakurriko duzue.
Grabatzen hasi baino lehen, irakurri zein diren hizlari on batek egin behar ez dituen akatsak:
-
Azkarregi hitz egin.
-
Puntuazio-markak ez errespetatu: komak, puntuak, galdera- eta harridura-markak…
-
Monotonoa izan eta irakurtzean adierazkorra ez izan.
-
Eduki bakoitzari dagokion sentimendua ez adierazi (poza, tristura, harridura...).
-
Irakurtzean itxurak egin eta naturaltasunez ez jokatu.
Bakoitzak bere zatia grabatu baino lehen, komeni da guztion artean saio bat egitea. Erabili elementu guztiak: ahotsak,
zaratak, musika…
Grabatu lehen idatzitako mezua Woices programa erabiliz (
http://woices.com),
eta jarri mapan.
Woices Interneteko doako zerbitzua da, eta horren bidez, leku geografiko bati buruzko ahozko informazioa
sortu, entzun eta zabal dezakegu. Lehendik erabili ez baduzue edo ez bazarete gogoratzen nola erabiltzen den, begiratu tutorial
hauetan: |
Iturria: http://woices.com |
-
Nola egin grabaketa bat 5 urratsetan Woices
programa erabiliz.
-
Laguntza gehiago behar baduzu, ikusi bideo-tutorial hau, Woices programa nola erabili jakiteko.
|
Amaitzeko, entzun arretaz egin duzuen grabaketa eta osatu
hobekuntzen ebaluazioa. Elementuren bat oker dagoela uste baduzue, berriro grabatu beharko duzue. Ez
ahaztu zuen grabaketa beste norbaitek entzungo duela.
Zorionak! Hemendik aurrera, zuen herria ikustera datozenek urrutitik ezagutzeko eta zer zerbitzu dituen
jakiteko aukera izango dute.