4. jarduera
Audiogiden autoebaluazioa
Lanaren zati handi bat egin duzue dagoeneko. Nolanahi ere, bukatutzat jo aurretik, komeni da zuen taldekako
lanak aztertzea, jarduera horren helburua lortu duzuen ikusteko.
JARDUERA
Guztion artean, entzun talde guztien grabaketak. Norberak besteen lanak ebaluatuko ditu. Horretarako, erabili taula hau:
| A
| B
| C
|
Edukia
| Grabaketaren edukia erabilgarria da gure herrian bizi ez direnentzat. Zerbitzuaren ezaugarriak
zehatz-mehatz azaldu dira.
| Grabaketaren edukia zuzena da, baina aurkeztutako zerbitzuaren ezaugarri bat edo beste falta
da.
| Grabaketaren edukia ez da baliagarria turistentzat. Aurkeztutako zerbitzuaren ezaugarri asko
falta dira.
|
Hizkera
| Hizkera egokia erabili da. Hitz eta esamolde guztiak edukira ongi moldatuta erabili dira,
eta ez da lokalismorik edo bertan bizi ez direnek eta turistek ulertzen ez duten adierazpenik erabili.
| Erabilitako hizkera turistek ulertzeko modukoa bada ere, lekuz kanpo dauden eta kanpotar batek
ulertuko ez dituen pare bat hitz edo adierazpen erabili dira.
| Erabilitako hizkera ez da egokia. Hitz itsusiak, lokalismo ugari edo lekuz kanpo dauden zenbait
adierazpen erabili dira.
|
Aurkezpena
| Grabaketa oso ongi ulertzen da. Ozen eta argi entzuten da, eta ez du azkarregi edo astiroegi
hitz egiten. Ez da bestelako zaratarik entzuten.
| Grabaketa nahiko ondo entzuten da. Hala ere, zarataren bat entzuten denez, entzuleak arreta
gal dezake, eta hizlariak azkarregi (edo astiroegi) hitz egiten du.
| Grabaketa nekez ulertzen da. Zaratak, oihuak eta barre-algarak entzuten dira.
|
Idatzi zuen koadernoan grabaketa bakoitzari eman diezuen nota.
Aukeratu A, B edo C, grabaketa bakoitzaren edukiaren, hizkeraren eta aurkezpenaren arabera.
Bukatzeko, kontuan hartu besteek adierazitako iradokizunak, eta behar izanez gero, egin aldaketak, eta ez ahaztu zuen ikaskideei
eskerrak ematea emandako laguntzagatik.
Horrenbestez, zuen herrian dagoeneko badituzue bertako zerbitzu garrantzitsuenei buruzko audiogidak, bertakoen
zein kanpotarren eskura. Lan bikaina!