INGURUNE Arloa
Irakasleentzako gida
AurkezpenaOrientabideakOrientabideakOrientabideakProgramazioaProgramazioaProgramazioaProgramazioaOinarriakOinarriakOinarriakOinarriakOinarriakOinarriak
1 de 14
0%
Aurkibidea
Kredituak
Kredituak
© Itinerarium 2011

ZUZENDARITZA: Narcís Vives
KOLABORATZAILEAK:

  • PRODUKZIO-ZUZENDARITZA: Antonio Cara
  • EDUKI-ZUZENDARITZA: Mª Cristina Pérez eta Magdalena Garzón
  • INGURUNEAREN EZAGUERA ARLOAREN KOORDINAZIOA: Elena Anguera
  • ZUZENDARITZA TEKNIKOA: Maite Vílchez
  • EGILEA: Núria de Alva Ruiz eta Pau Casacuberta
  • GAZTELERAZKO BERTSIOAREN ESTILO-ZUZENKETA: Anna Betriu eta Joan Martín
  • EUSKARARA ITZULPENA: Bakun itzulpen eta argitalpen zerbitzuak, s.l.
  • MAKETAZIOA: Maite Vílchez eta Miquel Gordillo

Aurkezpena

PROPOSAMENA TESTUINGURUAN JARTZEA

Iturria:http://es.wikipedia.org/

Proposamen didaktiko honi esker, ikasleek erromatar gizartearen alderdi batzuk ezagutuko dituzte, hala nola hark utzitako ondarea eta zeukan gizarte-antolaketa.

Erromatar gizartearen ebaluazio kritikoa egitea da sekuentzia didaktiko honen helburu nagusia.

Gainera, erromatarrek Iberiar penintsulan utzitako kultura-ondarea zeinen garrantzitsua den ikasleek ondo ulertzea lortu nahi da.

Sekuentzia honen barruan jarduera interaktiboak, ikasgelako debateak, testuak irakurtzea eta ulertzea, literatura-idazlanak eta abar sartzen dira.

Proposamen didaktiko honetan, “blog” bat erabiliko dugu, ikasleek egin behar dituzten gauzetarako euskarri teknologikoa izango dena.

Jarduera-sekuentzia

A etapa. Sarrera.

1. jarduera. Jarduera honetan, Erromak Iberiar penintsulan zer ondare utzi zuen ikas dezakete ikasleek baliabide interaktibo bat erabiliz.

B etapa. Garapena.

2. jarduera. Erromatar gizartearen berezitasunak ikasiko dituzte ikasleek. Ikasle bakoitzak, dokumentatu ondoren, egunkari pertsonal bat egingo du Erroma Klasikoko pertsonaia bat oinarritzat hartuta.

C etapa. Itxiera eta ebaluazioa.

3. jarduera. Ikasleek, azkenean, egindako lana ebaluatuko dute, eta gogoeta egingo dute batera erromatar gizartearen berezitasunei buruz.

  • Arloa: Ingurunearen Ezaguera
  • Gaia: Erroma Klasikoa
  • Unitate Didaktikoa: Gizarte erromatarra
  • Maila: Lehen Hezkuntzako 5.a
  • Saio-kopurua: 3-4 saio

Ibilbidea

Gida honek atal hauek ditu:

Orientabideak

Orientabide metodologikoak

1. jarduera. Erromak utzitakoa (saio bat)

Sekuentzia didaktiko honetako lehen jardueran, Erromak zer kultura-ondare utzi digun ikasiko dute ikasleek, batez ere haien herri-lanen, hizkuntza-eraginaren eta zenbaki erromatarren bidez.

Jarduera hasi baino lehen, komeni da gelan debate txiki bat egitea, ikasleek Erroma Klasikoaz zer dakiten azal dezaten. Erroma film, eleberri eta komiki ugaritan agertzen da. Baliteke ikasleek zerbait jakitea Erromaren historia eta kulturari buruz. Ikasleek dakitena arbel interaktiboan jasoko da, betiere hitz egiteko txandak errespetatuz. Galdera hauen bidez gida daiteke eztabaida:

  • Zer garaitan bizi izan ziren erromatarrak?

  • Zein izan zen erromatarren hizkuntza?

  • Ezagutzen edo ikusi duzue inoiz eraikin erromatarren bat?

  • Zer dakizue ikuskizun erromatarrei buruz?

  • Ezagutzen duzue Erromako pertsonaiaren bat?

Ondoren, banakako ariketa interaktibo bat egingo da. Hori arakatze libreko jarduera bat da, Erromak utzitako ondarearen hiru alderdi garrantzitsu ikasteko aukera ematen duena. Hiru atal horiek herri-lanak, hizkuntza-eragina eta zenbaki erromatarrak dira, eta aukera anitzeko ariketen bidez lantzen dira. Ariketak ikasgelan bertan zuzen daitezke arbel interaktiboa erabiliz.

2. jarduera.. Herritar libreak eta esklaboak (saio bat eta erdi)

Bigarrena zehar-jarduera bat da eta hizkuntza-esparruko edukiak eta ariketak ingurunea ezagutzeko sekuentzia didaktiko baten barruan lantzea du xede. Bestalde, ikasleek beste kultura eta gizarte-antolabide batzuez gogoeta kritikoa egitea lortu nahi da jardueraren bidez.

Ikasleak lau kideko taldetan banatuko dira. Sekuentzia didaktikoan aurkeztutako lau pertsonaietako bat aukeratu beharko du ikasle bakoitzak. Pertsonaia horiek Erroma Klasikoko lau gizarte-klase edo -taldetakoak dira. Ikasleek, ondo dokumentatu ondoren, pertsonaia bakoitzaren egunkari pertsonaleko sarrera bat idatzi beharko dute.

Jarduera honetan, funtsezkoa da ikasleek ulertzea testuak nolabaiteko egiantz historikoa izan behar duela. Erreferentziako web-orriak arretaz irakurri behar dituzte egunkariko sarrera idatzi baino lehen. Bestalde, garrantzitsua da ikasleen sormena ere sustatzea. Hitz batean, ikasleak Erroma Klasikoko biztanleen “rolean” jartzea da xedea.

Jarduera amaitzeko, idazlanak Bloggerreko “blog” batean argitaratuko dira. Baina lanak argitaratu baino lehen, ikasleen artean egindako talde adina “blog” sortu beharko dira Blogger zerbitzua erabiliz:http://www.blogger.com

Bloggerreko “blog” batek hainbat egile izan ditzake. Bloga sortu ondoren, ikasleei hartan sartzeko eska dakieke, Gmail posta elektronikoan dauzkaten kontuen bidez. Horretarako, kontrol-panelaren barruan, hautatu Konfigurazioa erlaitza eta Baimenak aukera:

Jarraian, sartu taldekideen Gmail helbideak; horrela, blogaren sorreran parte hartzeko gonbidapena jasoko dute:

Bloggerren “blogak” sortu eta kudeatzeari buruzko informazio gehiago izateko, kontsultatu Irakasleentzako Blogger Tutoriala.

3. jarduera. Amaiera (saio erdia)

Sekuentzia didaktikoko azken jardueran, ikasleek kideen lanaz duten iritzia emango dute. Horretarako, koebaluazio-orria erabiliko da; lau aldagai agertzen dira orri horretan: idazketa, ortografia, egokitasun historikoa eta testuaren originaltasuna.

Ondoren, gizarte erromatarra kritikoki baloratzeko eskatuko zaie. Jarduera honetan, gogoetazkoagoa baita, ikasleek, Erromaren alderdi ankerrak edo bidegabeak ez ezik (esklabotasuna eta emakumeek jasaten zuten tratua, besteak beste), konkistatutako lurraldeetara eramandako onurak ere kontuan hartuko beharko lituzkete (idatzizko hizkuntza, herri-lanak, hezkuntza eta abar).

Orientabideak

Erantzunak

1. jarduera. Inperioaren mugak (saio bat)

Kontsigna: Erroma eta erromatarrak film, liburu eta komiki askotan agertzen dira. Ziur zuetako askok entzun, ikusi edo irakurri duzuela zerbait aspaldiko zibilizazio horretaz. Esan gauza horiek beste ikaskideei, irakasleak zuen hitzak arbelean jasotzen dituen bitartean.

Xedea da ikasleek neurri batean adieraztea zer iritzi atera duten edo zer ikasitu duten Erromari buruz film, komiki edo bidaien bidez.

Kontsigna: Erromatar armada K.a. 218. urtean iritsi zen Iberiar penintsulara, orain dela 2.200 urte baino gehiago. Hala ere, oraindik ere aurki ditzakegu haiek utzitako aztarnak. Hurrengo ariketa interaktiboan, Erromak zer utzi zuen jakin ahal izango duzue.

Herri-lanak:

  • Ur beroko eta hotzeko bainuak

  • Foroa

  • Ura garraiatzeko bideak.

Hizkuntza-eragina:

  • Euskara

  • Vatikanoko hizkuntza ofiziala da.

Zenbaki erromatarrak:

  • XXIII

  • LIX

  • Erroma K.a. 900. eta 1000. urteen artean sortu zen.

  • XXI

Kontsigna: Egon zarete inoiz erromatar eraikin horietakoren batean? Ezagutu ahal izan duzue filmetan ikusia zenuten erromatar eraikinen bat? Ikasi duzue zerbait beste hizkuntza batzuen jatorriari buruz, bai eta haiek eta euskara bereizten dituenari buruz ere? Bazenekiten zenbaki erromatarrak garai hartan sortu zirela? Azaldu zuen ondorioak ikaskideei.

Xedea da ikasleek hainbat ideia elkarri lotzea; alde batetik, lehen ariketan arbelean jasotako ideiak eta, bestetik, ariketa interaktiboan egiten diren ekarpenen ondoren sortutako berriak.

2. jarduera. Herritar askeak eta esklaboak (bi saio)

Kontsigna: lau pertsonaia hauek egunkari pertsonal bat idazten dute, eta bertan beren bizipenak, kezkak eta esperantzak jasotzen dituzte. Egunkari horretako sarrera bat idaztea da zuen lana.

Xedea da ikasleek istorio txiki bat asmatzea pertsonaia bakoitzarentzat, eta haien bizitzako egun bat deskribatzea. Asmatutako istorioek, alegiazkoak izan arren, egiantzekoak izan behar dute historikoki. Horregatik, ikasle bakoitza, idazten hasi baino lehen, dokumentatu egin beharko da erreferentziako web-orriak erabiliz.

Istorioak aurrez prestatuko zaien “blog” batean argitaratuko dira. “Blog” horrek irudiak eta beste multimedia-baliabide batzuk ere izan ditzake.

3. jarduera. Amaiera (saio bat)

Kontsigna: Zuen egunkari-sarrera blogean argitaratu ondoren, irakurri taldeko kideen testuak. Eman haien lanaz duzuen iritzia koebaluazio-orria erabiliz.

Xedea da ikasleek aintzat hartzea kideen lanaren zenbait alderdi lau esparru hauetan: idazketa, ortografia, egokitasun historikoa eta originaltasuna. Komeni da ebaluazio kuantitatiboa ez ezik, ebaluazio kualitatiboa ere egitea, bai eta lanak hobetzeko proposamenak nahiz ideiak jasotzea ere.

Kontsigna: erromatar gizartea gurearen oso bestelakoa zen. Egin ikasleen artean debate txiki bat erromatar gizarteari buruz. Jaso zuen gogoetak arbel interaktiboan.

Xedea da ikasleek esatea zer iritzi duten bi gai eztabaidagarri hauei buruz: esklabotasuna eta emakumeek gizartean betetzen duten eginkizuna. Gainera, Erromak egindako ekarpenak ikasleek aintzat hartzea ere espero da: herri-lanak, jakintza, idatzizko hizkuntza eta abar.

Orientabideak

IKT MATERIALAK ETA BALIABIDEAK

Programak eta web-zerbitzuak

  • Writer. OpenOffice.org “suite” ofimatikoko aplikazioen multzoko plataforma anitzeko testu-prozesadorea:

http://eu.openoffice.org/

ADE (edo proiektagailua eta ordenagailua)

Web-erreferentziak
  • Erromatar gizartea. Antzinako Erromako gizarte-klaseei buruzko informazioa dauka web-orri honek:

http://iessapostol.juntaextremadura.net/latin/sociedad.html

  • Erromatar gizartea. El País egunkariak egindako “flash” moldeko web-orria, erromatar gizartearen zenbait alderdi erakusten dituena, hala nola armada, janzkera, gizarte-klaseak eta abar:

http://www.elpais.com/fotogalerias/popup_animacion.html?xref=20051223elpepuage_1&type=Ges&k=sociedad_romana

  • Erromatar gizartea. Gizarte-taldeak:

http://recursos.cnice.mec.es/latingriego/Palladium/cclasica/esc335ca1.php

  • Emakume aberatsaren bizitza. Orrialde honetan, emakume aberatsak erromatar gizartean zer eginkizun betetzen zuen azaltzen da:

http://sepiensa.org.mx/contenidos/historia_mundo/antigua/roma/mujeres/mujer_1.htm

  • Esklaboak. Esklaboek Erroma Klasikoan betetzen zuten rola azaltzen du web-orri honek:

http://sepiensa.org.mx/contenidos/historia_mundo/antigua/roma/esclavos/esclavo.htm

  • Libertoak. Ugazabek aske utzitako esklaboen egoera erakusten da web-orri honetan:

http://sepiensa.org.mx/contenidos/historia_mundo/antigua/roma/libertos/liberto.htm

  • Erromako eguneroko bizitza. Web-orri honetan, Erromako eguneroko bizitzaren zenbait alderdi erakusten dira, hala nola ordutegiak, jatorduak, janzkera eta abar:

http://iessapostol.juntaextremadura.net/latin/vida_roma.html

Bideoak eta animazioak
  • K.o. 320. urteko Erroma 3D-tan berreraikitzea:

http://www.vimeo.com/11805593

  • “Domus” erromatarra. “Domus” erromatarraren egitura eta ezaugarriak erakusten dituen orri interaktiboa:

http://www.enciclopedia-aragonesa.com/monograficos/historia/epoca_romana/multimedia/domus/default.asp

  • Zenbaki erromatarrak. Zenbaki erromatarrekin egiten den kalkulua lantzeko jolas interaktiboa:

http://clic.xtec.cat/db/jclicApplet.jsp?project=http://clic.xtec.cat/projects/romanos/jclic/romanos.jclic.zip&lang=es&title=Numeraci%F3n+romana

Programazioa

OINARRIZKO GAITASUNAK ETA ARLOKO BERARIAZKOAK

Hizkuntza-komunikaziorako gaitasuna:

  • Ahozko hizkuntza erabiltzea egoera formaletan.

  • Idatzizko hizkuntza erabiltzea literatura-testu laburrak egiteko.

  • Testuak ulertzea.

Mundu fisikoaren ezagutzarako eta harekiko elkarrekintzarako gaitasuna:

  • Iraganeko gertaera historikoak eta gizarteak ulertzea.

  • Historiak eta iraganeko gertaerek egungo egoeran duten eragina ulertzea.

  • Gizarteak kritikoki konparatzea.

Gizarterako eta herritartasunerako gaitasuna:

  • Gizartean bizitzeko jarrera eta ohiturak izatea.

  • Oinarrizko balio demokratikoak zein diren jakitea.

Giza eta arte-kulturarako gaitasuna:

  • Literatura-adierazpenerako teknikak eta baliabideak garatzea.

Ikasten ikasteko gaitasuna:

  • Taldean lan egiteko teknikak garatzea.

  • Norberaren ikasketaz gogoetatzea.

Programazioa

IKT GAITASUN OROKORRAK ETA IKASMAILAKOAK*

* Lehen Hezkuntzako 5. mailako ikasleentzako “Eskola 2.0” proposamenaren IKT gaitasunerako itemak, eranskin honetatik hartuak: IKT gaitasunen mapa .

Bizitza osorako ikaskuntza

B1. Komunikatzea eta lankidetzan aritzea

  • B1.3. IKT baliabide espezifikoak erabiltzea kide eta irakasleekin lankidetzan aritzeko, taldean lan egiteko, modu kritikoan pentsatzeko eta arazoak konpontzeko

B5. Mundu erreala ulertzea, arakatzea eta bertan moldatzea

  • B5.1 Batez ere irudiak eta soinuak erabiliz eta heldu baten laguntzaz mundu errealeko gaiak arakatzea eta/edo benetako arazo txikiei heltzea ahalbidetzen duten IKT baliabideak erabiltzea

Trebetasun teknologikoa

T2. IKTak informazioa bilatu, aukeratu eta aztertzeko erabiltzea

  • T2.1. Interneteko zerbitzuak erabiltzea (web-bilatzaileak eta beste hainbat) informazioa bilatzeko

T3. IKTak testu-informazioa prozesatzeko erabiltzea

  • T3.1. Testu-prozesaketako oinarrizko eragiketak egitea (kopiatu eta itsastea; formatua, lerrokatzea eta orrikatzea zehaztea; irudiak txertatzea; tipografia eta tamaina aldatzea; dokumentuak artxibatu eta inprimatzea)

Herritartasun digitala

H1. Informazioaren pribatutasuna aintzat hartzea

  • H1.1. Sarbideko gako pertsonalak erabiltzean pribatutasunari eusteak duen garrantzia ulertzea, ziberjazarpena saihesteko

Programazioa

IKASKUNTZA-HELBURUAK

  • Europako eta Iberiar penintsulako erromanizazio-prozesua ezagutzea.

  • Erromanizazio-prozesuaren barruko euskal berezitasunaz ohartzea.

  • Aintzat hartzea Erromak utzitako kultura- eta arkitektura-ondarea.

  • Erromatar gizartearen oinarrizko ezaugarriak zein diren jakitea; bereziki, zer desberdintasun zeuden patrizioen, plebeioen, esklaboen eta emakumeen artean.

  • Bakoitzak informazio historiko garrantzitsua jasoko duen egutegi bat idaztea.

  • Kritikoki ebaluatzea erromatar gizartea.

EDUKIAK

  • Erromanizazio-prozesua

  • Erromak egindako herri-lanak

  • Erromak utzitako kultura-ondarea

  • Erromatar gizartean zeuden desberdintasunak

Programazioa

EBALUAZIO-IRIZPIDEAK

Arloko gaitasunei dagokienez:

  • Badaki zein diren erromatarrek utzitako ondarearen alderdi nagusiak.

  • Badaki mapa batean adierazten non egon zen Erroma Klasikoaren eragin-eremua.

  • Erromatarren eraikin nagusiak identifikatzen ditu.

  • Erroma Klasikoan zeuden gizarte-desberdintasunez ohartzen da.

  • Kritikoki ebaluatzen du erromatar gizartea.

IKT gaitasunei dagokienez:

  • IKT tresnak informazioa bilatzeko eta aukeratzeko erabiltzen ditu.

  • Informazioa argitaratzeko eta kideekin elkarlanean aritzeko erabiltzen ditu IKT tresnak.

  • Testu-prozesadorea ondo erabiltzen du.

  • “Blogak” sortzeko web-zerbitzu batean kokatu eta ondo erabiltzen du.

Oinarriak

SEKUENTZIA DIDAKTIKOAK: HASTEKO, 3 GALDERA

Zertarako balioko dizu gida honek?

IKTak ikasgelan aplikatzeko proposamen zehatz bat (sekuentzia didaktikoa) planifikatzeko eta praktikan jartzeko, eta proposamen horren bitartez, hauek lantzeko: oinarrizko gaitasunak eta arlokoak, eduki kurrikularrak eta gaitasun digitalak.

Zer aurkituko duzu?

Gune elkarreragile eta multimedia bat. Bertan, hauek zehazten dira: ikasgelarako programazioa, atazak IKTen bitartez egiteko orientabide didaktikoak, deskargarako estekak eta tutorialak.

Zer egin dezakezu?

Proposamena irakaskuntzan zuzenean aplikatu, zure ikasgelako testuingurura moldatu, adibideetatik abiatuta jarduera berriak sortu eta zure esperientziak beste irakasle batzuekin partekatu.

SEKUENTZIA DIDAKTIKOAK: 5 GAKO

 Material irekia, pertsonalizagarria eta berrerabilgarria
Erabilpen anitzekoa
Bertsio bereiziak irakasleentzat eta ikasleentzat
ADEaren erabilera ikasgelan
Plataforma- eta aukera-aniztasuna
MATERIALAK

Oinarriak

Zer da sekuentzia didaktiko bat eta zer eskaintzen digu?

Sekuentzia didaktiko bat (SD) jarduera-segida ordenatu bat da, ikasleak gaitasun kurrikularrak zein IKT gaitasunak beregana ditzan diseinatua. Sekuentzia didaktikoetako atalik esanguratsuena elkarren artean lotutako jardueren segida da, ikasle orok jarraitu beharko baitio ikasketa-prozesuan.

Funtzio eta ezaugarri ezberdinak dituzten jarduerak lantzeko aukera eskaintzen digu, modu integratuan. Edukia aurkeztea, ulertzea, erabiltzea edo praktikatzea prozesuaren ezinbesteko osagaiak dira, eta elkarri lotutako edukien multzo esanguratsu baten inguruan lan egiteko aukera ematen dute.

Chaval Brasilen argazki bat, Flickr webgunean, CC lizentziapean.

Sekuentzia Didaktiko bakoitza HOD (Hezteko Objektu Digital) bat edo gehiagoz osatuta dago, eta hauek eskaintzen ditu:

  • Sekuentziako edukien deskribapena, aurkezpen interaktibo, kontzeptu-mapa, testu eta podcast formatuan, eduki kurrikularrak hala uzten badu.
  • Edukiaren inguruko hasierako arakatze-jarduera.
  • Edukiaren inguruko jarraipen-jarduera.
  • Edukiaren inguruko laburpen- eta ebaluazio-jarduera.
  • Edukiaren sakontze-jarduera, aukerarik balego.

Hainbat jarduera egin daitezke, proposatutako jarduera-segidari jarraituz, edo horietako batzuk aukeratu eta norberaren sekuentziara egokitu.


Jardueretan zehar sortutako planteamenduek garatu egin nahi dituzte Lehen Hezkuntzarako Oinarrizko Gaitasunak (hizkuntza-komunikaziorakoa, matematikarakoa, mundu fisikoaren ezagutza eta harekiko elkarrekintzarakoa, gizarte- eta hiritar-gaitasuna, ikasten ikastekoa, eta norberaren autonomia eta ekimenerakoa) eta IKT gaitasunak (Eskola 2.0 proposamenean txertatutako ikasleen IKT gaitasunen maparen arabera).


Jarduerak, orokorrean, 2.0 baliabide digitalen erabileran eta sareko lanean oinarritzen dira. Horrenbestez, egindako proposamenetan ikasleak animatuko dira hainbat sare sozialetan informazioa kudea eta argitara dezaten, lankidetzan ari daitezen, eta, eskuratutako informazioa baloratzean, jarrera kritikoa zein hausnarkorra gara dezaten. Aldi berean, gune birtualetan adostutako arauak ezagutzeko eta aintzat hartzeko aukera izango dute.

Oinarriak

Sekuentzia didaktikoen xedea eta egitura

Sekuentzia didaktikoen xedea da ikasleek eduki kurrikularrak ikastea eta gaitasun digitalak eskuratzea, IKTak ikasgelan aplikatzeko proposamen batetik abiatuta.

Ikasleek sekuentziako edukietan aurrera egingo dute etapaz etapa. Banaka egingo dute, baina taldeka egiteko jarduerak proposatuko zaizkie. Etapa bakoitzean adierazi egingo zaie zer egin behar duten eta zer baliabide erabili behar dituzten. Sekuentziek ikasleei eskaintzen dizkiete:

  • Hiru jarduerako edo gehiagoko segida bat, eduki kurrikularrei heltzeko, Lehen Hezkuntzako 5. mailako ikasleei zuzendutako aginduekin
  • Fitxategi erantsiak, jarduerak egiteko eta koebaluatzeko edo autoebaluatzeko
  • Ikasleentzako tutorialak, erabiliko diren programei edo web 2.0 zerbitzuei buruzkoak
  • Sekuentziako IKT baliabide guztiak biltzen dituen atal bat

Landuko den edukiaren arabera, hauek eskainiko dituzte:

  • Jarduerak egiteko erabiliko diren webguneetara, animazioetara eta bideoetara estekak
  • Ebazteko jarduera elkarreragileak

Sekuentziako irakasleentzako gidaren helburu nagusia da irakasleei laguntzea proposatutako ikasketa-segida planifikatzen eta praktikan jartzen. Premisa horiek kontuan hartuta, gidek irakasleei eskaintzen dizkiete:

  • Proposamen didaktikoaren testuingurua.
  • Orientabide didaktikoak, ADEren metodologia erabiliz sekuentzia didaktikoak lantzeko.
  • Proposatutako jardueren erantzunak.
  • Oinarrizko gaitasunak eta arloaren berariazko gaitasunak.
  • IKT gaitasunak (Lehen Hezkuntzako 5. mailako ikasleentzako “Eskola 2.0” proposamenean ezarritakoak).
  • Ikasketa-helburuak, edukiak eta ebakuazio-irizpideak.
  • Proposamenean erabiliko diren materialak eta IKT baliabideak.
  • Prestakuntza-eduki osagarriak, irakasleei sekuentzia didaktikoak garatzen laguntzeko (ADE, web 2.0 tresnak eta e-learning plataformak).

Oinarriak

Ebaluazioa

Ebaluazioak, burututako sekuentzien emaitzak aztertzeko tresna ez ezik, ikasketa-prozesua erregulatzekoa ere izan behar du. Horregatik, sekuentzia didaktikoan txertatuta egon behar du, prozesuan landuko diren jardueren parte izan. Jarduera horiek hausnarketa egiteko aukera eman behar diote ikasleari, egiten ari denaz, izan dituen zailtasunez, egin dituen akatsez, behar duen laguntzaz, eta hobetzeko eta aurrera egiteko bideez.

Ebaluazio hori hausnarketa-ariketa da, aurretiko ezagutzak prozesuan ikasten ari denarekin lotzeko aukera ematen duena. Akatsak abiapuntu gisa hartzen ditu, zailtasunez jabetzeko eta haiei aurre egiteko. Helburua ez da ikasleek zer ez dakiten jasotzea; jakitea baizik ezaguerak nola aplikatzen dituzten, informazioa nola lotzen duten, konponbideak bilatzeko trebetasunak nola aktibatzen dituzten... Ebaluazio horrek irizpide, adierazle eta ikasketa-helburu zehatzen multzo zabal bat izan behar du oinarrian, ez zenbakizko kalifikazio soil bat.

Gaitasunetan oinarritutako ebaluazioak lehenetsi egiten ditu ulertzea, aztertzea, lantzea, justifikatzea eta erantzunak argudiatzea, eta ez informazioa buruz ikastea eta errepikatzea.

Proposatutako jarduerak, nahiz azterketa-, koebaluazio- eta autoebaluazio-tresnak irakasleen erreferenteak dira, ikasleen ikasketa-prozesua nahiz haiek lortutako emaitzak baloratzeko.

Oinarriak

Materialaren aurkezpena eta deskarga

Proiektu honen filosofiaren gakoetako bati jarraiki (Arakatu, sortu, argitaratu eta partekatu), material hau irekia, pertsonalizagarria eta berrerabilgarria da. Materiala erabiltzeko, ondorengo prozesuari jarraitu behar zaio. Gida egiteko erabili diren irudiak sekuentzia jakin bati dagozkio (Laburpena) eta, beraz, orientagarriak dira.

Sekuentzia didaktiko bakoitzak, ZIP fitxategi bat deskargatzeko atal bat dauka. Material deskargagarria.

Lotura hori aukeratzean ZIP fitxategi konprimitu bat deskargatzen da:

Gorde fitxategia botoian klik egingo dugu fitxategia gure ordenagailuan deskargatzeko. Behin ordenagailuan izanda, bi klik egingo ditugu fitxategiaren gainean, deskonprimitzeko programarekin ireki eta edukia ikusteko:

Landuko dugun materiala non gorde zehaztuko dugu eta karpetak bertara aterako.

Behin materiala deskonprimituta, karpeta zabaldu eta hiru karpeta ikusiko ditugu:

  1. Sekuentziaren edukia: Ikasl_sekuentzia

  2. Estiloarekin ikusteko behar diren artxiboak: Zz_programa

  3. Imsmanifest.xml fitxategi bat, Moodle-ek edo antzeko plataforma batek prozesatzeko informazioa duena. Bertan, ikastaroaren edukiak zuzen azalduko zaizkio erabiltzaileari, dagokion balio pedagogikoa erantsita.

Oinarriak

Zer dago karpeta bakoitzean eta zertarako balio du?


Orain karpeta guztiak aztertuko ditugu.

Ikasl_sekuentzia

Sekuentzia guztiek dute Ikasl_sekuentzia izeneko karpeta bat.

  • Sekuentzia ikusteko lehen urratsa “index” fitxategia zabaltzea da eta sekuentzia guztian zehar nabigatzea.
  • Moduluen karpetan hizkuntza direktorio bat dago. Guk “eu” karpeta ikusiko dugu, bertan baitago euskarazko bertsioa.

  • Karpeta barruan sekuentziaren .html fitxategi guztiak daude zenbakiz ordenatuta. Edozein eduki argitaratu nahi badugu, Dreamweaver (jabedun softwarea) edo Kompozer (software librea) erabil dezakegu.

  • “01modulua_p.html” fitxategia inprimatzeko bertsioari dagokio.
  • Materialen karpetan “img” karpeta nabarmentzen da, bertan baitaude sekuentziako irudi guztiak. Baten bat gehitu nahi bada, nahikoa da karpetan txertatzea eta dagokion html lotura egitea.
  • Modu berean, materiala ere txerta daiteke deskargen (fitxategi konprimituak), .swf fitxategien (eskuliburu eta animazioak) eta inprimatzekoen karpetetan; bertan, materialaren .odt bertsioa dago, editatu eta .pdf formatura esportatu ahal izateko.

Zz_programa karpeta

Ondoren zz_programa karpetan sartuko gara, bertan baitaude sekuentzia ohiko estiloan bistaratzeko behar diren fitxategi guztiak.

Karpeta hori egituratik kanpo mugitzen badugu, materiala modu honetan ikusiko dugu:

Imsmanifest

“js” karpetak eta imsmanifest.xml fitxategiak ikasketarako plataforma birtualetako nabigatzaileei dagozkie, eta beraz, ez da komeni haiek editatzea.

Helburu hauek hartu dira kontuan materialen egitura zehazteko:

  • Sekuentzian lantzen diren edukiak pertsonalizatzea.
  • Proposameneko edozein osagai gehitu, aldatu edo ezabatzeko aukera izatea.
  • Irudiak, materialak eta sekuentzien edukiak berrerabiltzeko aukera izatea.

Laguntza

Laguntza
  1. Ezker menua (goitik beherako ordena): sekuentziaren orri nagusiaren ikurra (home), iturriaren tamainaren ikurra, inpresio ikurra, laguntzarako sarrera ikurra eta edukinaren aurkibidearen ikurra.
  2. Materialaren izena barra eta sekzio aktualaren izenburua.
  3. Nabigazio geziak (hurrengo edo aurreko orrialdea).
  4. Edukinarentzako hutsunea.

Autor:

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.

1. Material irekia, pertsonalizagarria eta berrerabilgarria

Sekuentzia didaktiko bakoitzak konprimitutako fitxategi bat dauka, deskargatzeko ZIP fitxategi bat, helburu hauekin:

  • Sekuentzian lantzen diren edukiak pertsonalizatzea
  • Proposamenean edozein atal gehitzea, aldatzea edo ezabatzea
  • Sekuentzietako irudiak, materialak eta baliabideak berrerabiltzea

Sekuentzia honen fitxategia deskargatzera eta askatasun osoz aztertzera gonbidatzen zaitugu. Esteka honetatik egin dezakezu.

Materialen egiturari edo sarbideari buruz laguntza edo orientabideak behar badituzu, ez utzi materialen erabilerari buruzko atala irakurri gabe.

2. Erabilpen anitzekoa

Sekuentzia didaktiko guztiak bi modutan erabil daitezke:

    • ONLINE: Kontsultak sarearen bidez eginez, prestakuntza-plataforma baten bitartez edota esteka edo URL baten bidez.
    • OFFLINE: ZIP fitxategi bat deskonprimituz, ordenagailuan bertan lan egiteko, Internetera konektatu gabe.

3. Bertsio bereiziak irakasleentzat eta ikasleentzat

Sekuentzia didaktikoak sortzean arreta berezia jarri da bi erabiltzaile-profiletan:

  • Irakasleek eskura dituzte ikasleei zuzenduriko lan-proposamena aztertzeko sarbidea, gida didaktikoa eta proposaturiko ariketen erantzunak.
  • Ikasleek eskura dituzte ariketen proposamena ikusteko sarbidea, eta proposamena praktikan jartzeko erabiliko dituzten materialen eta baliabideen zerrenda.

4. ADEaren erabilera ikasgelan

Sekuentzia didaktikoen diseinuak sustatu egiten du arbel digital elkarreragilea (ADE) erabiltzea. Horrela, irakasle batek hauek egin ditzake ikasgelan:

  1. Sekuentzia bat aztertu eta, bertatik, taldean aurkezteko edukiak hartu.
  2. Landu nahi dituen sekuentziaren edukiak, aurkezpenak, animazioak eta materialak proiektatu.
  3. Pixkanaka, praktika berritzaileak ikasgelako eguneroko lanean txertatu.
  4. Ariketa elkarreragileak, problemetako egoeren azterketak, eztabaidak eta taldeko zuzenketak erraztu.
  5. Arbelaren zentzua eta aurkeztutako edukiak indartzeko tresna eta funtzionalitate malguak erabili, ikasleen arreta lortzearren.

5. Plataforma- eta aukera-aniztasuna

Plataforma- eta aukera-aniztasuna

Sekuentzia didaktiko guztiak linean landu daitezke, besteak beste, Moodle edo LAMS plataformen bitartez, ikasleen jarraipenerako eta kontrolerako tresnak baliatuz. Sekuentziak Moodle batean erabili nahi baditugu, beharrezkoa izango da sekuentzien ZIP fitxategia deskargatzea (ikasleen bertsioa) eta Moodle, blackboard edo antzeko ezaugarriak dituen plataforma batera inportatzea.

Horretarako, administratzaile-baimena behar da delako plataforma horietan, eta sistemak adieraziko dituen urratsak jarraitu (garrantzitsua da edukia nola inportatu azaltzen duen plataformako tutoriala oinarri hartzea).