Irakurri arretaz web-orri honetako item hauen edukiak:

http://redescolar.ilce.edu.mx/redescolar/act_permanentes/historia/histdeltiempo/pasado/tiempo/p_midien.htm

Orri horretan, gizakiak antzinatik denbora neurtzeko erabilitako tresna batzuei buruzko informazioa dator. 4 ataletan banatuta dago:

• Sarrera

• Ura, harea eta sua

• Itzalak eta astroak

• Erlojuak

Egin hiruko taldeak eta erantzun galdera hauei. Sortu testu-fitxategi bat, galderei erantzuteko.

I. Aipatu gizakiak historian zehar denbora neurtzeko erabili dituen tresnetako batzuk.

II. Gaur egun, zein dira denbora neurtzeko erabiltzen diren elementurik ohikoenak?

III. Deskribatu labur-labur nola funtzionatzen zuten ur, harea eta su bidezko neurketa-tresnek.

IV. Deskribatu labur-labur nola funtzionatzen zuten itzalen eta astroen bidezko neurketa-tresnek.

V. Deskribatu labur-labur nola funtzionatzen duten denbora neurtzeko erlojuek.

Begiratu aurkezpen honetan noiz eta nola neurtu ohi dugun denbora eguneroko bizitzan.

Orain, denbora neurtzeko zer sistema eta tresna erabiltzen diren ikusiko duzue. Zalantzarik izanez gero, galdetu irakasleari.

• Testu-fitxategian, idatzi nola esaten zaion eguneko denbora neurtzeko erabiltzen den sistemari. Beste zer egoeratan erabiltzen da neurketa-sistema hori bera? Eman adibide bat.

• Testu-prozesadorearen bidez, egin eskema bat, orduen, minutuen eta segundoen arteko baliokidetasunak adierazteko.

• Egunak 24 ordu dituela kontuan hartuta, kalkulatu kalkulagailuz zenbat minutu dituen egun batek eta erregistratu testu-prozesadorean.

• Zenbat segundo ditu egun batek?

• Deskribatu labur-labur nola funtzionatzen duten eguneko denbora neurtzeko gaur egun erabiltzen diren tresnek:

  • Erloju analogikoek

  • Erloju digitalek.

Ondoren, erabili kalkulagailua eta erantzun galdera honi: zenbat ordu dira minutu hauek?

MINUTUAK	ORDUAK
140
1.440
930
690

Aurrera!

Jokin LHko bosgarren mailan dabil. Eskema honetan adierazita dago zer egiten duen Jokinek eskolako egunetan, oro har. Irakurri eskema arretaz eta, gero, egin jarduerak. Jardueren erantzunak testu-prozesadoreko fitxategi batean eman behar dituzue.

7:15	Jokin jaiki egiten da.
7:25	Bere burua garbitu ondoren, gosaltzen hasten da.
7:45	Gosaldu ondoren, Jokin ikastetxera joaten da aitarekin.
8:07	Ikastetxera iristen da. Minutu batzuetan zain egoten da, eskolak 8:30ean hasten baitira.
12:30	Jokin eskolatik irten, eta 17 minutuan aitaren zain egoten da.
13:15	Jokinek bazkaldu egiten du.
14:00	Jokin eskolara joaten da berriz ere.
16:35	Eskolatik etxera itzultzen da eta dutxa hartzen du.
17:26	Jokinek etxeko lanak egiten ditu.
18:05	Ingeleseko eskolara joaten da.
19:30	Jokin etxera itzultzen da eta musika entzuten du. Hona hemen entzundako abestien iraupenak: 3 minutu eta 25 segundo, 4 minutu eta 33 segundo, 2 minutu eta 15 segundo, 5 minutu eta 07 segundo.
……………	Abestiak entzun eta gero, Jokinek telebistako saiorik gogokoena ikusten du.
21:15	Jokinek afaldu egiten du; 24 minutu behar izaten ditu afaltzeko.
…………….	Jokin lotara joaten da.

Eskema arretaz irakurri ondoren, erabili testu-prozesadorea eta erantzun galdera hauei. Kasu batzuetan, kalkulagailua erabil dezakezue.

• Zenbat denbora ematen du Jokinek goizean bere burua garbitzen?

• Zenbat denbora behar du Jokinek ikastetxera iristeko?

• Zenbat denbora egoten da Jokin zain, eskolak hasi arte?

• Zenbat minutu egoten da Jokin ikastetxean, eskolako orduak eta eskolen aurretik eta ondoren zain emandako denbora kontuan hartuta? Zenbat ordu dira minutu horiek?

• Zenbat denbora eman du egun horretan etxeko lanak egiten?

• Zenbat minutu egon da egun horretan abestiak entzuten?

• Zer ordutan hasi da telebistako saiorik gogokoena ikusten?

• Zer ordutan joaten da lotara Jokin?

Egin bateratze-lana, erantzunak egiaztatzeko.

Gogoratu lehen egunean festa 9:15ean hasi eta 18:45ean amaituko dela. Alderdi hauek ere kontuan izan behar dituzue:

• Jarduerak bata bestearen ondoren egingo dira, eta ez dira inoiz bi jarduera batera egingo.

• Bazkaria 13:00etatik 13:45era izango dela aurreikusi da.

Hori guztia kontuan izanik, zenbat jarduera egin daitezke gehienez lehen egunean, jarduera bakoitzak ordu erdikoa izan behar badu?

• Aurreko erantzuna ematean, kontuan izan al duzue atsedenaldiak egin beharko direla? Ordubetetik behin bost minutuko etenaldiak egitea komeniko da, parte-hartzaileak nekatu egingo dira eta.

• Aipatutako etenaldiak kontuan izanik, zenbat jarduera edo lantegi egin ahal izango dira gehienez lehen egunean?

• Bazkaltzeko ordua aldatzea komeniko al litzateke?

• Egin eskema bat testu-prozesadoreko taula baten bidez, lehen eguneko jarduerak nola antolatu behar dituzuen adierazteko.

• Zenbat ordu iraungo du festak guztira lehen egunean?

• Lehen egunean, zenbat ordu hartuko dituzte benetan jarduerek, lantegiek eta abarrek? Zenbat minutu dira ordu horiek?

• Lehen egunean, zenbat ordu beharko dira bazkaltzeko eta etenaldiak egiteko?

Azaldu ikaskideei zer plan eratu duzuen.