Jarduera honetan, gertuko itsaso eta ozeanoei buruz jardungo dugu. Hasteko, Europakoak ikusiko ditugu, eta ondoren, Euskaditik gertu daudenak.

Aurreko jardueran, Europa inguratzen duten bi ozeanoren eta Europako hainbat itsasoren izenak aurkitu dituzue. Itsaso asko daudela ikusi duzue, ez al da hala? Ba al duzue gogorik bilatzeko non dagoen itsaso bakoitza?

Ireki ondoko dokumentua [2_1_jarduera.zip (.odt)]. Irakurri dokumentuko itsaso guztiak eta ikusi ea badakizuen zehatz-mehatz non dagoen bakoitza. Bilatu gainerakoak Google Maps-en.

Banatu bilaketa-lana hiruko taldetan. Itsaso jakin bat Google Maps-en bilatzeko, jarraitu urrats hauei:

• Jo webgune honetara: http://maps.google.es
• Idatzi itsasoaren izena bilaketa-laukitxoan.

• Bilatu zer lekutan dagoen mapako markatzaile gorria (zooma alda dezakezue, lan-orriko maparen antzeko tamaina lortu arte; horrela, errazago bilatuko baituzue).
• Jarri itsasoaren izena zuen lan-orrian, eta erakutsi zuen emaitza taldeko kideei.

Orain, askoz errazago egingo duzue. Ziur gai zaretela fitxategi honetan [2_2_jarduera.zip (.odt)] Iberiar penintsularen inguruko itsaso zein ozeanoak kokatzeko eta Euskadi non dagoen adierazteko. Laguntzarik behar baduzue, badakizue non bilatu, ezta?