Jardueran honetan Lurreko kontinenteak eta ozeanoak nola eratu ziren ikusiko dugu, eta gaur egungo kontinenteak identifikatuko ditugu.

Arretaz ikusi bideoa. Amaitzean, idatzi arbel digitalean deigarriak iruditu zaizkizuen alderdiak.

Begiratu arretaz Lur planetako ozeanoen, itsasoen eta kontinenteen mapari, eta egin “Kontinenteak eta ozeanoak” jarduera, mapa buruz ikasteko lagungarria baita.

Lurrean, kontinente eta ozeanoez gain, itsaso asko daude. Baina, ba al dakizue zertan bereizten diren itsasoak eta ozeanoak? Egin hiruko taldeak. Taldekide bakoitzak bataren eta bestearen definizioak informazio-iturri desberdinetan bilatu eta fitxategi honetako taula osatuko du: 1jarduera.zip (.odt).

• Harluxet hiztegi entziklopedikoa: http://www1.euskadi.net/harluxet/
• Wikipedia: http://eu.wikipedia.org/
• Kalipedia: http://www.kalipedia.com/diccionarios/

Amaitzean, alderatu zuen taulak eta osatu informazioa besteek aurkitutako definizioekin.

Berrikusiko al dugu? Egin jarduera hau, kontinenteei, ozeanoei eta itsasoei buruz ikasi duzuena berrikusteko: "Kontinenteak, itsasoak eta ozeanoak".

Lauko taldetan, horma-irudi bat egingo duzue Glogster programa erabiliz (http://edu.glogster.com/). Horma-irudiaren gaia hauxe da: itsasoen berotzea eta hori ez gertatzeko konponbideak. Galdera hauek lagungarriak izan daitezke:

• Zuen ustez, itsasoek estaliko al dituzte noizbait kontinenteak? Zergatik uste duzue jarduten dutela arlo horretako profesionalek horri buruz hausnartzen?
• Itsasoak arriskuan al daude?
• Zerbait egin al dezakegu itsasoak zaintzeko? Arazo horren inguruan, zer egin dezakezu ikastetxean? Eta etxean? Eta zuk zeuk?

Horretarako, begiratu web-orri hauetan:

• http://oceans.greenpeace.org/es/our-oceans/climate-change
• http://lomas.excite.es/la-subida-del-nivel-del-mar-causara-problemas--N3120.html
• http://www.nrdc.org/laondaverde/water/oceans/gcoastal.asp

Jarduera hobeto antolatzeko, nahi baduzue, banatu eginkizun hauek taldekideen artean:

• Kazetaria: Interneten informazioa bilatu eta irakurriko du.
• Idazkaria: informazio garrantzitsua idatziko du (orri batean edo testu-editore batean).
• Editorea: horma-irudia Glogsterrean egingo du. Tutorial hau erabil dezakezue: Ikasleentzako Glogsterra.
• Bozeramailea: egindako lana gelakideei aurkeztuko die.

Gogoratu lana guztion artean egin behar duzuela, bakoitzak eginkizun jakin bat izan arren.

Horma-irudia Glogsterrean egin baino lehen, komeni da lehenbizi zirriborro bat egitea paperean, oso garrantzitsua baita informazioa ongi antolatzea eta posterra deigarria izatea. Ez ahaztu beste norbaitek idatzitako testuak edo egindako irudiak erabiltzen dituzuenean, erreferentzia esteka baten bidez adierazi behar duzuela.

Orain zuen lana erakusteko unea da. Posterra azaldu bitartean, ikaskideek zuen lana ebaluatuko dute dokumentu honen bidez: koebaluazioa.zip (.odt).

Sekuentzia didaktiko honetan zer ikasi duzuen ikusteko unea da orain. Beheko esteka honetan, test bat aurkituko duzue. Erantzun baino lehen, pentsatu ongi zer galdetu dizueten, eta akatsik eginez gero, begiratu zein den erantzun zuzena, akatsek ere ikasten laguntzen baitigute. Jo ebaluazio-jarduerara.