Aurkezpena

PROPOSAMENA TESTUINGURUAN KOKATZEA

Aldez aurreko ezagutza testuinguruan kokatzeko zenbait galdera egingo ditugu, eta horietan oinarrituta, ikasleak atal honetako gaiari buruzko eduki berria ikasten joango dira.

Sarrerako bideoan ikusiko dugu zer bilakaera izan duen Lurrak, Pangea izeneko kontinente bakarra zegoenetik gaur egungo kontinente eta ozeanoak eratu arte.

Era berean, ikasleek itsasoen eta ozeanoen arteko berdintasunak eta desberdintasunak aztertuko dituzte.

Ondoren, Europaren inguruan zer itsaso eta ozeano dauden ikusiko dute, eta azkenik, Iberiar penintsularen inguruan daudenak.

Sekuentziaren amaieran, gai honi buruz hausnartuko dute: itsasoen eta ozeanoen mailak gora egitearen ondorioz kontinenteak urpean geldi daitezke.

Iturria: http://upload.wikimedia.org/wikipedia/commons/8/8e/Pangea_animation_03.gif

Jardueren segida

A etapa. Sarrera.
1. jarduera. Lurra.

B etapa. Garapena.
2. jarduera. Europa.

C etapa. Bukaera eta ebaluazioa.
3. jarduera. Itsasoak zaintzea.

Ibilbidea

Gida honek atal hauek ditu:

• Orientabide metodologikoak. Gomendioak, irakasleak jarduerak egin ditzan, erantzunak eta baliabideak.

• Programazioa:

  Arloko gaitasunak.

  IKT gaitasunak.

  Ikasketa-helburuak eta edukiak.

  Ebaluazio-irizpideak.

• Material honi buruz. Proiektuaren oinarriak datoz, sekuentzia didaktikoaren oinarri den ikuskera teorikoa eta materiala erabiltzeko eta deskargatzeko gida bat.