3. jarduera
Poliedroen garapena eta munduko eraikinik altuenen itxura aztertzea
Amaitzeko, munduko eraikinik altuenen arkitektura aztertzeko erronkari helduko diogu.
Baina, aldez aurretik, poliedroak nola osatzen diren ikusiko dugu. Horrek lagundu egingo dizue, eskala
txikian bada ere, eraikinak egiteko erabiltzen diren formak bereizten. Kartoi mehea erabiliko dugu horretarako.
Lehenik, poliedroak egingo ditugu kartoi mehea erabiliz, eta gero, munduko eraikin edota dorrerik altuenetako
batzuk aukeratuko ditugu, haien egitura eta itxura ez ezik edertasuna ere aztertzeko.
Animatuko al zarete? Arkitektoak izango gara egun batez!
Jarduera
Poliedro erregularrak kartoi mehez egiten ikasiko dugu; hau da, haien garapenak nolakoak diren ikusiko dugu.
Ekin diezaiogun bada lanari!
Lehenengo urratsa zer poliedro egin nahi dugun aukeratzea izango da. Jarraian, zenbait eredu aurkituko dituzue, eta haietan
oinarrituz osatu ahal izango dituzue formak:
Poliedro erregularrak edo solido platonikoak
| Forma
| |
Tetraedroa
|
|
|
Hexaedroa
|
|
|
Oktaedroa
|
|
|
Dodekaedroa
|
|
|
Ikosaedroa
|
|
|
Deskargatu taula lotura honen bitartez: 4. jarduera.pdf.
Ireki zuen marrazketa-programa eta marraztu aukeratu duzuen poliedroaren garapena bertan.
Diseinua amaitutakoan, inprimatu egin beharko duzue kartoi mehean, ondoren guraizeez moztu eta diseinatu duzuen poliedroa
osatzeko. Erraza, ezta?
Poliedroak nola egiten diren ikasi dugunez, munduko eraikinik altuenetako batzuk aztertuko ditugu orain.
Egin taula bat testu-prozesadorean, eta bildu gutxienez informazio hau:
- Zein den eraikinaren izena
- Zer hiri eta herrialdetan dagoen
- Haren irudia edo argazkia
- Zenbat metro den altuan
- Eraikina ondoen deskribatzen duen eredu geometrikoa zer motatako gorputza den (poliedroa ala gorputz biribila).
|
Iturria:
http://www.ingenieriabonastre.com/
images/edificios_altos_Madrid.jpg
|
Orain, aztertu munduko eraikinik altuenen berezitasunak, alderdi hauek kontuan hartuta:
- Zenbateko altuera duen guztira
- Zer motatako gorputz geometrikoa den (poliedroa ala gorputz biribila).
- Eraikinaren oinarriak zer forma duen (triangelua, karratua, laukizuzena, pentagonoa eta abar)
- Zenbat aurpegi lau eta kurbatu dituen.
- Zenbat ertz eta erpin dituen.
Hitz egin ikaskideekin lortutako emaitzei buruz.