2. jarduera. Zatikien arteko eragiketak: biderketa
Zatikien arteko eragiketak: biderketa
JARDUERA
Lehen jarduera honetan zatikien arteko biderketak nola egiten diren ikasiko dugu, bai eta zer esan nahi
den bi zatiki baliokideak direla esatean ere.
Aztertu irakaslearekin zatikien arteko biderketei eta zatiki baliokideei buruzko
aurkezpen hau. Idatzi oharrak koadernoan: definizioak, zuen usterako azalpen garrantzitsuak, etab.
Kalkulagailuz, ebatzi zatikien arteko batuketa, kenketa eta biderketa hauek:
Gogoratu:
-
Izendatzaile bereko zatikien arteko batuketak eta kenketak egitean, zenbakitzaileen arteko batuketa
edo kenketa egin eta izendatzaile bera utzi behar da.
-
Izendatzaile desberdineko bi zatikiren edo gehiagoren arteko batuketak egitean, zatikiak izendatzaile
beraz adierazi behar dira, eta gero, zenbakitzaileen arteko batuketa egin.
-
Bi zatikiren biderkadura beste zatiki bat da, zenbakitzailea zenbakitzaileen biderkadura eta izendatzailea
izendatzaileen biderkadura dituena.
Jarraian, binaka, egin zatiki baliokideei buruzko jarduera hau:
-
Ireki
jarduera hau
eta identifikatu zenbaki bidez eta forma bidez adierazitako zatiki baliokideak.
Orain, zatikien arteko eragiketak nola egiten diren eta haiek nola adierazten diren egiten dakizuenez, binaka, osatu taula
arau hauei jarraituz.
-
Zatiki bakoitzeko:
-
Idatzi hiru zatiki baliokide. Gogoratu aski dela zenbakitzailea eta izendatzailea zenbaki berberaz
biderkatzea edo zatitzea.
-
Idatzi emaitza zatiki hori duten hiru eragiketa (batuketa, kenketa eta biderketa).
Esaterako:
Orain, jolasteko garaia da. Idatzi taulako zatiki bakoitzaren zenbait zatiki baliokide:
Hemen deskargatu
dezakezue taula.
Lagungarri izango zaizue hurrengo jarduerarako, dominoan jolasteko gonbita egingo baitizuegu. Bertan, zatiki
baliokideak identifikatu beharko dituzue irabazteko.
Aukerako jarduerak
Esteka hau erabil dezakezue, zatikien arteko biderketen jarduera interesgarri bat egiteko:
Edo, zatiki baliokideei buruzko jarduerak egin: