Aurkezpena

PROPOSAMENA TESTUINGURUAN JARTZEA

Iturria: http://www.ambientech.org/

Ikasleek, proposamen didaktiko honetan, lehorreko eta uretako ekosistemek zer ezaugarri nagusi dituzten ikasiko dute. Lehendabizi, lehorreko ekosistema bateko elementu biotikoak, elementu abiotikoak eta haien arteko harremanak bereiziko dituzte denen artean. Geroago, gauza bera egingo dute uretako ekosistema batekin, talde txikitan banatuta. Azkenik, konparatu egingo dituzte. Amaitzeko, elementu horiek eta haien arteko harremanak Euskadiko benetako ekosistemetan bereizi beharko dituzte, eta kontzeptu-mapa batean adierazi.

JARDUERA-SEKUENTZIA

A etapa. Sarrera.

Parke batean ibilaldi birtual bat egin ondoren, ikasleek, zenbait multimedia-materialez baliatuta, lehorreko ekosistema batek zer osagai dituen ikasiko dute. Zer elementu biotiko eta abiotiko dauden eta haien artean zer-nolako harremanak izaten diren ikusiko dute. Geroago, gauza bera egingo dute uretako ekosistema batekin, baina talde txikitan banatuta.

B etapa. Garapena.

Hirugarren jardueran, uretako ekosistemak eta lehorrekoak konparatzen dira, eta bi jarduera interaktibo egiten dira.

C etapa. Bukaera eta ebaluazioa.

Laugarren jardueran, ikasleek Urkiolako natura-parkeko ekosistemak aztertuz erabil dezakete ikasitakoa.

Sekuentzia didaktikoa amaitzeko, kontzeptu-mapa bat egin behar da, paisaietako elementu biotikoak eta abiotikoak bereizteko.

Ibilbidea

Gida honek atal hauek ditu:

• Orientabide metodologikoak. Gomendioak, irakasleak jarduerak egin ditzan, erantzunak eta baliabideak.

• Programazioa:

  Arloko gaitasunak.

  IKT gaitasunak.

  Ikasketa-helburuak eta edukiak.

  Ebaluazio-irizpideak.

• Material honi buruz. Proiektuaren oinarriak datoz, sekuentzia didaktikoen oinarri den ikuskera teorikoa eta materiala erabiltzeko eta deskargatzeko gida bat.