Orientabideak

4. jarduera. Euskadiko ekosistemak (saio bat)

Kontsigna: Erreparatu irudiari eta irakurri arretaz egokitu zaizuen ekosistemaren deskribapena. Erabili testu-prozesadoreko nabarmengailua gutxienez aipatzen diren bost elementu biotiko, hiru abiotiko eta haien arteko harremanak bereizteko.

Irudi bakoitzean ezin konta ahala faktore biotiko eta abiotiko aurki daitezke, bai eta haien arteko harremanak ere. Komeni da ikasleek arreta elementu gutxi batzuetan jartzea, elementu guztiak sailkatzen ahalegindu beharrean, eta ahalik eta harreman gehien bilatzea haien artean.

Adibidez:

Azkonarra artadian babesten da gizakiarengandik (bi elementu biotiko eta harreman bat).

Azkonarrak lurra iraultzen du bere gordelekua zulatzean (elementu biotiko bat, abiotiko bat eta harreman bat).

Azkonarrak gaueko ohiturak ditu (elementu biotiko bat, abiotiko bat eta harreman bat).

Azkonarrak erleak, ugaztun txikiak eta narrastiak jaten ditu (lau elementu biotiko eta harreman bat).

Kontsigna: Lehen, taula bat egin duzue 2. jardueran, uretako ekosistema deskribatzeko; orain, berriz, informazioa kontzeptu-mapa batean antolatuko duzue, aurkitu dituzuen elementu guztiak eta haien arteko harremanak adierazteko.

Ikasleek oso kontzeptu-mapa soilak egin ditzakete, harreman bakarrekoak; edo oso konplexuak, harreman anitzekoak. Aurreko adibideetan oinarrituta, kontzeptu-mapa hau egin genezake: