Orientabideak

Erantzunak

3. jarduera. Ekosistemen arteko konparaketa (saio bat)

Kontsigna: Konparatu denon artean lehorreko ekosistema bat deskribatzeko egin duzuen faktore biotikoen eta abiotikoen taula uretako ekosistema deskribatzeko lortu dituzuen taulekin.

Hauek dira aurki daitezkeen desberdintasun eta antzekotasun batzuk:

Antzekotasunak	Desberdintasunak
Izaki bizidunak bizi dira bi ekosistemetan. Bi ekosistemetan antzeko harremanak sortzen dira esparru hauetan: lehia, lankidetza, elikadura...	Tenperatura azkarrago aldatzen da lehorreko ekosistemetan uretakoetan baino. Argitsuagoak dira lehorreko ekosistemak uretakoak baino. Oso desberdinak dira ekosistema bakoitzean bizi diren izaki bizidunak.

Kontsigna: Irakurri berriz ekosistemaren definizioa. Uste duzue bi kasuetan betetzen direla aipatutako elementuak?

Ikasleak lehen eman diren definizioak bi ekosistemekin erlazionatzeko gauza izatea da xedea.

Kontsigna: Baieztapen hauetatik, zein dira egia, zein gezurra?

• Bi ekosistema motetan faktore biotikoak eta abiotikoak daude. (E)
• Ur-baliagarritasuna ez da berdina uretako ekosistemetan eta lehorrekoetan. (E)
• Uretako ekosistemek lehorrekoek adina argi dute. (G)
• Tenperatura gutxiago aldatzen da uretako inguruneetan lehorrekoetan baino. (E)
• Lehorreko ekosistema berean, tenperatura ez da aldatzen. (G)
• Zelai bateko zuhaitzak batere arazorik gabe egon litezke itsasoaren hondoan. (G)

Kontsigna: Ariketa honetan, zenbait faktore biotiko eta abiotiko dauzkazue. Esan zein egon litezkeen lehorreko ekosistema batean, zein uretako batean eta zein bi horietan.

• Marigorringoa [lehorrekoa]
• Hontza [lehorrekoa]
• Haritza [lehorrekoa]
• Zizareak [lehorrekoa]
• Urtxintxa [lehorrekoa]
• Sagua [lehorrekoa]
• Ura [biak]
• Ur gezako ibaiko putzua [uretakoa]
• Uretako landareak [uretakoa]
• Landare flotatzaileak [uretakoa]
• Harriak [biak]
• Arrainak [uretakoa]
• Zangaluze-larbak [uretakoa]
• Ahatea [uretakoa]
• Oxigenoa [biak]