MATEMATIKA Arloa
Irakasleentzako gida
AurkezpenaOrientabideakOrientabideakOrientabideakProgramazioaProgramazioaProgramazioaProgramazioaOinarriakOinarriakOinarriakOinarriakOinarriakOinarriak
1 de 14
0%
Aurkibidea
Kredituak
Kredituak
© Itinerarium 2011

ZUZENDARITZA: Narcís Vives
KOLABORATZAILEAK:

  • PRODUKZIO-ZUZENDARITZA: Antonio Cara
  • EDUKI-ZUZENDARITZA: Mª Cristina Pérez eta Magdalena Garzón
  • MATEMATIKA ARLOAREN KOORDINAZIOA: José Orenga
  • ZUZENDARITZA TEKNIKOA: Maite Vílchez
  • EGILEA: Nuria de Alva eta José Orenga
  • GAZTELERAZKO BERTSIOAREN ESTILO-ZUZENKETA: Anna Betriu eta Joan Martín
  • EUSKARARA ITZULPENA: Bakun itzulpen eta argitalpen zerbitzuak, s.l.
  • MAKETAZIOA: Maite Vílchez eta Miquel Gordillo

Aurkezpena

PROPOSAMENA TESTUINGURUAN KOKATZEA

Sekuentzia honen bidez, neurriak iritzira kalkulatzea eta neurtzea zer den irakatsi nahi zaie ikasleei. Horregatik, neurri-unitate konbentzionalak erabiltzen hasi aurretik, zenbait objektu neurtu beharko dituzte, haientzat ezagunak diren objektu batzuk neurri-unitate gisa erabiliz; hots, neurri-unitate arbitrarioak erabiliz.

Ondoren, zenbait sistematizazio-jarduera egingo dituzte, neurri-unitate estandarizatuen beharraz ohartzeko.

JARDUEREN SEGIDA

A etapa – Sarrera

  • 1. jarduera. Har al daitezke neurriak zenbait modutan?

B etapa - Garapena

C etapa - Bukaera eta ebaluazioa

  • 3. jarduera . Multiploak eta azpimultiploak, eta album digital bat sortzea.

  • Arloa: Matematika.
  • Gaia: Luzera.
  • Unitate didaktikoa: Neurri-unitateak eta luzera-unitateen arteko eragiketak.
  • Maila: Lehen Hezkuntzako 5. maila.
  • Saio kopurua: 3 - 4.

Ibilbidea

Gida honek atal hauek ditu:

Orientabideak

Orientabide metodologikoak

1. jarduera. Har al daitezke neurriak zenbait modutan? (1 saio)

Sekuentzia hau lantzen hasteko, komeni da ikasleen aurretiazko ezagutzak abiapuntutzat hartzea. Horretarako, beharrezkoa da honelako galderak egitea:

  • Zer esan nahi du neurtzeak?
  • Zenbat luze da zuetako bakoitza?
  • Zer da neurri-unitate bat? Zer neurri-unitate ezagutzen dituzue?
  • Zertarako balio du neurtzeak?

Jarduera hau lantzeko, arbel digitala erabil daiteke, eta erantzunak bertan idatzi. Garrantzitsua da ikasleen aurretiazko ezagutzak azaleratzeko eta finkatzeko aukera ematen duten erantzunak azpimarratzea.

Ondoren, 2 - 4 ikasleko taldeak osatu beharko dira. Talde horiek zenbait objektu aukeratu beharko dituzte, gelako gauza batzuk neurtzeko. Elementu hauek neurtzea proposa diezaiekegu, besteak beste: ikasmahaiak, arbela, leihoak, atea, hormen luzera, zabalera eta altuera, edo irakaslearen altuera. Neurriak hartzeko zer objektu erabil ditzaketen ere proposa diezaiekegu; esate baterako, klarionak, lumatxoak, arkatzak, zapatak, borragomak, zorrozkailuak, zuhaitzetako hostoak edo bururatzen zaiena.

Aukeraketa egin eta gero, neurketak egiten hasiko dira, taula honen laguntzaz: [1. jarduera.zip]. Taulan aldaketak egin daitezke, taldeek zer aukeraketa egin duten.

Garrantzitsua da talde bakoitzak argazkiak ateratzea neurketa-moduei eta horretarako erabili dituen objektuei, jarduera album digital batean dokumentatzeko. Jarduera hori oso erabilgarria izango da ikasleentzat, lagundu egingo baitie amaierako argudiaketak egiten eta prozesuak problema ebazteko zenbateko garrantzia duen ikusten.

Jarduera honetan, neurtu beharreko objektuak aukeratzen eta haiek neurtzen lagundu nahi zaie ikasleei, aholkuak emanez, baina, era berean, beren kaxa jarduten utziz. Izan ere, beren aukera egiten utzi nahi zaie, betiere egingarria dela egiaztatuz; hau da, objektua aukeratutako neurri-unitatea erabiliz neur daitekeela egiaztatuz.

1. jarduera.

2. jarduera. Neurriak hartzen jarraituko dugu (1 saio)

Talde bakoitzak aurreko jardueran lortutako emaitzak aurkeztuko ditu, bere taula erakutsiz.
Ikasleei galdera hauek egin diezazkiekegu, bai eta eztabaida eragin ere:

  • Zer neurri-unitate da egokiena objektu bakoitza neurtzeko?
  • Baliokideak al dira objektu bera neurtu ondoren lortu ditugun neurriak?
  • Zergatik lortu dituzte taldeek neurri desberdinak, objektu bera neurtu arren?
  • Zer egin beharko genuke objektu berak neurtu eta neurri berberak lortu nahiko bagenitu?

Aurreko hausnarketaren ondoren, zeregin bat bete beharko du talde bakoitzak. Taldekide bakoitzaren altuera kalkulatu beharko dute iritzira; hau da, gutxi gorabehera kalkulatu beharko dute zenbat luze den bakoitza, neurketarik egin gabe. Ikasle bakoitzaren altuera unitate ez-konbentzional bat erabiliz kalkulatu beharko dute, lehenik iritzira; esate baterako, zapatatan. Eta ondoren, berriz, metro eta zentimetrotan. Komeni da aurreko jardueran erabilitako unitate ez-konbentzional bera erabiltzea, ezaguna egingo baitzaie.
Hori egin ondoren, aukeratutako neurri-unitatea erabiliz neurtu beharko dute ikaslea, eta gero, flexometroa edo ikasgelako beste materialen bat erabiliz.
Talde bakoitzak taula hau beteko du:

Taldeko kidea

Iritzirako neurria, zapatatan

Iritzirako neurria, metro eta zentimetrotan

Neurria zapatatan

Neurria metrotan

Talde bakoitzak jarduera amaitzen duenean, eztabadaiari emango zaio bide, ikasleek gogoeta egin dezaten eta uler dezaten, argudioak erabiliz, zein den iritzira kalkulatzea eta neurtzea kontzeptuen esanahia, eta zer garrantzi duen neurri-sistema estandarizatu bat edukitzeak.

Gogoeta eragiteko, galdera hauek egin daitezke:

  • Zer da hobea, neurri-unitate ez-konbentzionalak erabiliz pertsona baten altuera iritzira kalkulatzea edo sistema metriko hamartarreko unitateak erabiltzea?
  • Erraza al da neurri-unitate ez-konbentzionalak erabiliz pertsona baten altuera neurtzea edo hobe da sistema metriko hamartarreko unitateak erabiltzea?
  • Neurri-unitateren bat gainerakoak baino hobea izan al da?
  • Zein izan dira bakoitzaren abantailak eta desabantailak?
  • Zer proposatzen da?

Eskatu ikasleei kontzeptu hauek definitzen saiatzeko:

  • Neurri-unitatea
  • Neurria
2. jarduera.

3. jarduera. Multiploak eta azpimultiploak, eta album digital baten sortzea (1 edo 2 saio)

Behin objektuak neurtuta, metroaren multiploak eta azpimultiploak zer diren azalduko zaie ikasleei. Neurtu behar denak zer luzera duen, mutiplo edo azpimultiplo bat erabiltzea komeni dela azalduko diegu. Jarduera bat proposatuko diegu. Bertan, zenbait luzera ageri dira, zenbait multiplo eta azpimultiploren bidez adierazita, ikasleek metrotan adierazi eta ordena ditzaten. Jarduera errepikatu egin daiteke, ikasleek beste luzera eta distantzia batzuk azter ditzaten.

Arbel digitala erabiltzea komeni da, bai multiploak eta azpimultiploak azaltzeko eta aurkezteko, bai unitate-aldaketei buruzko webguneko lana egiteko.

Ondoren, hiru jarduerei buruzko ondorioak eskatuko dizkiegu taldeei, ikasitakoari buruzko hausnarketa egin dezaten.

Bukatzeko, album digital bat sortzea proposatzen zaie. Horretarako, ateratako argazkiak eta egindako taulak Picasa album batean jartzeko eskatuko diegu, eta horrela, taldeek jardueren garapena gune jakin batean partekatzeko aukera izango dute.

Baliabide hau inoiz erabili ez badute, komeni da hura aurkeztea eta albumera argazkiak nola igotzen diren azaltzea komeni da, arbel digitala erabiliz. Hala bada, saio oso bat beharko da album digitala sortu eta amaierako emaitza ikusteko.

3. jarduera.

Orientabideak

Erantzunak

1. jarduera. Har al daitezke neurriak zenbait modutan?

Sekuentzia honetan proposatzen diren jarduerak zenbait modutan egin daitezke. Hemen, neurtzeko zenbait objektu proposatzen ditugu, bai eta neurketak egiteko zenbait unitate ere:

Neurtutako objektua

Erabilitako neurri-unitateak

Gutxi gorabeherako neurria

Irakasle-mahaiaren luzera

Klipak

73 klip

Irakasle-mahaiaren luzera

Zapatak

6 zapata

Luisen altuera (lurrean etzanda dagoela)

Klarion berriak

21 klarion berri

Luisen altuera (lurrean etzanda dagoela)

Jolastokiko hostoak

47 hosto

Ikasleek zapatak, klipak, hostoak edo klarionak erabili beharrean, beste objektu batzuk aukera ditzakete, eta gelako leiho bat, ikasmahaiak edo eskura duten edozein objektu edo pertsona neur dezakete. Garrantzitsuena da neurtzeko kontzeptuarekin jolastea eta neurri-unitate unibertsal bat edukitzea zer garrantzitsua den hausnartzea.

2. jarduera. Neurriak hartzen jarraituko dugu (1 saio)

Sekuentzia honetan proposatutako jarduerak soluzio asko izan ditzake.

3. jarduera. Multiploak eta azpimultiploak, eta album digital bat sortzea (1 edo 2 saio)

Jarduera honetarako, garrantzitsua da arbel digitalean multiplo eta azpimultiplo kontzeptuak adieraztea:

Multiploak:

1 dekametro 10 metro dira: 1 dam = 10 m.
1 hektometro 100 metro dira: 1 hm = 100 m.
1 kilometro 1.000 metro dira: 1 km = 1.000 m.
1 miriametro 10.000 metro dira: 1 mam = 10.000 m

Azpimultiploak:

1 dezimetro 0,1 metro dira: 1 dm = 0,1 m. Metro batek 10 dezimetro ditu.
1 zentimetro 0,01 metro dira: 1 cm = 0,01 m. Metroak 100 zentimetro ditu.
1 milimetro 0,001 metro dira: 1 mm = 0,001 m. Metroak 1.000 milimetro ditu.

Azaldu, unitate-aldaketak egiteko, 1 zenbakiari unitateen artean dagoen toki adina zero gehitu eta biderketa edo zatiketa egin behar dela lortzen den zenbakia erabiliz.

Proposatutako jardueraren ebazpena hau da:

 

Luzera multiplo eta azpimultiplotan

Luzera metrotan

Puppy, Guggenheimeko zaintzailea

815 zentimetro

8,15

Bilboko katedrala

22.500 milimetro

22,5

Aitxuri tontorra

155 dekametro

1.550

Tres Mares tontorra

2.175 metro

2.175

Ebro ibaia

930 kilometro

930.000

Bilbotik Cádizerako distantzia

10.580 hektometro

1.058.000

Jarduera errepikatu egin daiteke, ikasleei beste luzera eta distantzia batzuk azter ditzatela eskatuz.

Orientabideak

Baliabideak

Testu-prozesadorea

Writer. OpenOffice.org suiteko testu-prozesadorea, plataforma anitzetarakoa:

ADE (edo proiektagailua eta ordenagailua)

Picasa

Webgune gomendatuak

Jolasteko webguneak

Tutorialak

Programazioa

OINARRIZKO GAITASUNAK ETA ARLOAREN BERARIAZKO GAITASUNAK

Matematikarako gaitasuna

  • Eduki matematikoak erabiltzea, ikasgelatik kanpo ikasleentzat esanguratsuak diren testuinguruetan: kalkulua, neurriak, eskalak, datuen interpretazioa, informazioaren erabilera kritikoa…

  • Hizkuntza naturala hizkuntza sinboliko/formalera itzultzea eta bataren eta bestearen arteko erlazioak ulertzea.

Zientzia-, teknologia- eta osasun-kulturarako gaitasuna

  • Errealitatea aztertzea, eta inguruko alderdi zenbakarriei buruzko informazioa transmititzea (neurriei buruzkoa).

  • Iragarpenak eta inferentziak egitea.

Informazioa tratatzeko eta teknologia digitala erabiltzeko gaitasuna

  • Kantitateak eta neurriak alderatzea, hurbiltzea eta erlazionatzea. Zenbait euskarritako informazioa interpretatzea. Kalkulagailuaren eta eskuragarri dauden baliabide teknologikoen erabilera ohikoa izatea.

Norberaren autonomiarako eta ekimenerako gaitasuna

  • Planifikatzea, baliabideak kudeatzea eta emaitzak balioestea, problemak ebaztean edo egoera irekietan.

  • Norberaren gaitasunetan konfiantza izatea, egoera ezezagunei aurre egiteko.

Ikasten ikasteko gaitasuna

  • Gero eta zailtasun handiagoko egoerak ebaztea autonomiaz, pertseberantziaz eta kemenez, eta emaitzak sistematizatzea eta balioestea, eta haien berri ematea.

  • Ikasketa-prozesuak hitzez adieraztea.

Hizkuntza-komunikaziorako gaitasuna

  • Matematikako lexikoa zehaztasunez eta ohiz erabiltzea.

  • Norberaren eta besteen arrazoiketak ulertzea eta kritikoki balioestea.

Giza eta arte-kulturarako gaitasuna

  • Kultura-adierazpenei matematikak egindako ekarpenak zein diren jakitea.

Gizarterako eta herritartasunerako gaitasuna

  • Talde-lanean aritzea; ikuspuntu guztiak onartzea.

ARLOAREN BERARIAZKO GAITASUNAK

Zenbakiak eta kalkulua problemak ebazteko erabiltzea

  • Zenbaki arruntak, zatikiak eta hamartarrak irakurri, idatzi, adierazi, alderatu eta ordenatzea, zenbait testuingurutan.

  • Batuketak, kenketak, biderketak eta zatiketak erabiltzea eguneroko egoeretan, zenbait prozeduraren bidez (algoritmo idatziak, kalkulagailua, buruzko kalkulua, iritzirako kalkulua).

  • Eguneroko bizitzarekin lotutako problemak interpretatu eta ebaztea, eta zer prozesuri jarraitu diogun eta zer emaitza lortu ditugun azaltzea eta aurkeztea, ordenan, argi eta argudioak erabiliz.

Espazioa neurtzea eta adieraztea

  • Testuinguru errealetan luzera-magnitudeak zehatz zein iritzira kalkulatzea, zenbait neurri-unitate, haien baliokidetasunak eta behar diren neurketa-tresnak erabiliz.

  • Talde-lanean parte hartzea, eta jarrera baikorra izatea ikuspegi desberdinak errespetatzeko eta ebazpenak lortzeko.

  • Lanean saiatua izatea, jarrera ona izatea, eta norberaren aukeretan gero eta segurtasun eta konfiantza handiagoa izatea.

Programazioa

IKT GAITASUN OROKORRAK ETA IKASMAILAKOAK*

* Lehen Hezkuntzako 5. mailako ikasleentzako “Eskola 2.0” proposamenaren IKT gaitasunerako itemak, eranskin honetatik hartuak: IKT gaitasunen mapa .

Bizitza osorako ikaskuntza

B1. Komunikatzea eta lankidetzan aritzea

  • B1.3. IKT baliabide espezifikoak erabiltzea kide eta irakasleekin lankidetzan aritzeko, taldean lan egiteko, modu kritikoan pentsatzeko eta arazoak konpontzeko

B2. Ingurune birtualetan moldatzea

  • B2.1. Ingurune birtual bat maneiatzen hastea eta ingurune horietako oinarrizko eragiketak ikasteko gai izatea

B3. Informazioa kudeatu, sortu eta balioestea

  • B3.5. Dagokion arloko oinarrizko prozedurak eta metodoak aplikatzea, heldu baten laguntzaz

  • B3.6. Jarduerak edo proiektuak ezarritakotik haratago arakatzea, beren interesen arabera

B4. Sortzaileak izatea eta berritzea

  • B4.2. Sormen, ikerketa eta berrikuntzaz baliatuz, beren produktuak (bideo-jokoak, aurkezpenak, gailuak) sortzea ahalbidetzen dieten IKT baliabideak erabiltzea, beren interesak betetzeko edo beste batzuek planteatutako arazoei irtenbidea emateko

B5. Mundu erreala ulertzea, arakatzea eta bertan moldatzea

  • B5.1 Batez ere irudiak eta soinuak erabiliz eta heldu baten laguntzaz mundu errealeko gaiak arakatzea eta/edo benetako arazo txikiei heltzea ahalbidetzen duten IKT baliabideak erabiltzea

Trebetasun teknologikoa

T3. IKTak testu-informazioa prozesatzeko erabiltzea

  • T3.1. Testu-prozesaketako oinarrizko eragiketak egitea (kopiatu eta itsastea; formatua, lerrokatzea eta orrikatzea zehaztea; irudiak txertatzea; tipografia eta tamaina aldatzea; dokumentuak artxibatu eta inprimatzea)

T5. IKTak multimedia-informazioa prozesatzeko erabiltzea

  • T5.1. Multimedia edukiez oinarrizko eragiketak egitea (kopiatu eta itsastea; formatua zehaztea; irudi bat, soinu, bideoa txertatzea; webgune batetik irudi bat deskargatzea)

Herritartasun digitala

H1. Informazioaren pribatutasuna aintzat hartzea

  • H1.3. Beren informazioa webean partekatzeak zer ondorio izan ditzakeen oro har ezagutzea

H3. Komunikazio elektronikoko estiloak eta moduak errespetatzea

  • H3.2. Norberaren ideiak eta pentsamenduak azaltzean eta besteen iritziak jasotzean, linean nahiz lineatik kanpo, errespetuzko jarrera izaten

Programazioa

IKASKETA-HELBURUAK

  • Luzera-unitateen arteko eragiketak egitea.
  • Luzera-unitateen multiplo eta azpimultiploak zein diren ikastea.
  • Iritzira kalkulatzea eta neurtzea kontzeptuak identifikatzea eta aplikatzea, buruzko kalkuluko estrategiak erabiliz.
  • Neurri kontzeptuaren bidez problema errealak ebaztea.

EDUKIAK

  • Neurketaren esanahia eta erabilera.
  • SMHren historia laburra.
  • Metroa oinarrizko unitate gisa: multiploak eta azpimultiploak.
  • Objektuen iritzirako neurriak. Luzerak neurtzeko objektuak.
  • Lexiko egokia erabiltzea.
  • Neurriarekin zerikusia duten problemak ebaztea.

Programazioa

EBALUAZIO-IRIZPIDEAK

  • Iritzira kalkulatzea eta neurtzea kontzeptuekin zerikusia duten jarduerak egiten ditu.
  • Neurri-unitateen sistema bateratu baten beharra argudiatzen du.
  • Problemak ebazten ditu, luzera-neurrien unitate-aldaketak eginez.
  • Neurketa-problemak nola ebatzi dituen argudiatzen du.
  • Talde-lanean parte hartzen du, ideiak emanez eta besteekin batera lan eginez.
  • Teknologiaz baliatzen da, eta behar bezala adierazten da, hizkuntza matematikoa egoki erabiliz.

Oinarriak

SEKUENTZIA DIDAKTIKOAK: HASTEKO, 3 GALDERA

Zertarako balioko dizu gida honek?

IKTak ikasgelan aplikatzeko proposamen zehatz bat (sekuentzia didaktikoa) planifikatzeko eta praktikan jartzeko, eta proposamen horren bitartez, hauek lantzeko: oinarrizko gaitasunak eta arlokoak, eduki kurrikularrak eta gaitasun digitalak.

Zer aurkituko duzu?

Gune elkarreragile eta multimedia bat. Bertan, hauek zehazten dira: ikasgelarako programazioa, atazak IKTen bitartez egiteko orientabide didaktikoak, deskargarako estekak eta tutorialak.

Zer egin dezakezu?

Proposamena irakaskuntzan zuzenean aplikatu, zure ikasgelako testuingurura moldatu, adibideetatik abiatuta jarduera berriak sortu eta zure esperientziak beste irakasle batzuekin partekatu.

SEKUENTZIA DIDAKTIKOAK: 5 GAKO

 Material irekia, pertsonalizagarria eta berrerabilgarria
Erabilpen anitzekoa
Bertsio bereiziak irakasleentzat eta ikasleentzat
ADEaren erabilera ikasgelan
Plataforma- eta aukera-aniztasuna
MATERIALAK

Oinarriak

Zer da sekuentzia didaktiko bat eta zer eskaintzen digu?

Sekuentzia didaktiko bat (SD) jarduera-segida ordenatu bat da, ikasleak gaitasun kurrikularrak zein IKT gaitasunak beregana ditzan diseinatua. Sekuentzia didaktikoetako atalik esanguratsuena elkarren artean lotutako jardueren segida da, ikasle orok jarraitu beharko baitio ikasketa-prozesuan.

Funtzio eta ezaugarri ezberdinak dituzten jarduerak lantzeko aukera eskaintzen digu, modu integratuan. Edukia aurkeztea, ulertzea, erabiltzea edo praktikatzea prozesuaren ezinbesteko osagaiak dira, eta elkarri lotutako edukien multzo esanguratsu baten inguruan lan egiteko aukera ematen dute.

Chaval Brasilen argazki bat, Flickr webgunean, CC lizentziapean.

Sekuentzia Didaktiko bakoitza HOD (Hezteko Objektu Digital) bat edo gehiagoz osatuta dago, eta hauek eskaintzen ditu:

  • Sekuentziako edukien deskribapena, aurkezpen interaktibo, kontzeptu-mapa, testu eta podcast formatuan, eduki kurrikularrak hala uzten badu.
  • Edukiaren inguruko hasierako arakatze-jarduera.
  • Edukiaren inguruko jarraipen-jarduera.
  • Edukiaren inguruko laburpen- eta ebaluazio-jarduera.
  • Edukiaren sakontze-jarduera, aukerarik balego.

Hainbat jarduera egin daitezke, proposatutako jarduera-segidari jarraituz, edo horietako batzuk aukeratu eta norberaren sekuentziara egokitu.


Jardueretan zehar sortutako planteamenduek garatu egin nahi dituzte Lehen Hezkuntzarako Oinarrizko Gaitasunak (hizkuntza-komunikaziorakoa, matematikarakoa, mundu fisikoaren ezagutza eta harekiko elkarrekintzarakoa, gizarte- eta hiritar-gaitasuna, ikasten ikastekoa, eta norberaren autonomia eta ekimenerakoa) eta IKT gaitasunak (Eskola 2.0 proposamenean txertatutako ikasleen IKT gaitasunen maparen arabera).


Jarduerak, orokorrean, 2.0 baliabide digitalen erabileran eta sareko lanean oinarritzen dira. Horrenbestez, egindako proposamenetan ikasleak animatuko dira hainbat sare sozialetan informazioa kudea eta argitara dezaten, lankidetzan ari daitezen, eta, eskuratutako informazioa baloratzean, jarrera kritikoa zein hausnarkorra gara dezaten. Aldi berean, gune birtualetan adostutako arauak ezagutzeko eta aintzat hartzeko aukera izango dute.

Oinarriak

Sekuentzia didaktikoen xedea eta egitura

Sekuentzia didaktikoen xedea da ikasleek eduki kurrikularrak ikastea eta gaitasun digitalak eskuratzea, IKTak ikasgelan aplikatzeko proposamen batetik abiatuta.

Ikasleek sekuentziako edukietan aurrera egingo dute etapaz etapa. Banaka egingo dute, baina taldeka egiteko jarduerak proposatuko zaizkie. Etapa bakoitzean adierazi egingo zaie zer egin behar duten eta zer baliabide erabili behar dituzten. Sekuentziek ikasleei eskaintzen dizkiete:

  • Hiru jarduerako edo gehiagoko segida bat, eduki kurrikularrei heltzeko, Lehen Hezkuntzako 5. mailako ikasleei zuzendutako aginduekin
  • Fitxategi erantsiak, jarduerak egiteko eta koebaluatzeko edo autoebaluatzeko
  • Ikasleentzako tutorialak, erabiliko diren programei edo web 2.0 zerbitzuei buruzkoak
  • Sekuentziako IKT baliabide guztiak biltzen dituen atal bat

Landuko den edukiaren arabera, hauek eskainiko dituzte:

  • Jarduerak egiteko erabiliko diren webguneetara, animazioetara eta bideoetara estekak
  • Ebazteko jarduera elkarreragileak

Sekuentziako irakasleentzako gidaren helburu nagusia da irakasleei laguntzea proposatutako ikasketa-segida planifikatzen eta praktikan jartzen. Premisa horiek kontuan hartuta, gidek irakasleei eskaintzen dizkiete:

  • Proposamen didaktikoaren testuingurua.
  • Orientabide didaktikoak, ADEren metodologia erabiliz sekuentzia didaktikoak lantzeko.
  • Proposatutako jardueren erantzunak.
  • Oinarrizko gaitasunak eta arloaren berariazko gaitasunak.
  • IKT gaitasunak (Lehen Hezkuntzako 5. mailako ikasleentzako “Eskola 2.0” proposamenean ezarritakoak).
  • Ikasketa-helburuak, edukiak eta ebakuazio-irizpideak.
  • Proposamenean erabiliko diren materialak eta IKT baliabideak.
  • Prestakuntza-eduki osagarriak, irakasleei sekuentzia didaktikoak garatzen laguntzeko (ADE, web 2.0 tresnak eta e-learning plataformak).

Oinarriak

Ebaluazioa

Ebaluazioak, burututako sekuentzien emaitzak aztertzeko tresna ez ezik, ikasketa-prozesua erregulatzekoa ere izan behar du. Horregatik, sekuentzia didaktikoan txertatuta egon behar du, prozesuan landuko diren jardueren parte izan. Jarduera horiek hausnarketa egiteko aukera eman behar diote ikasleari, egiten ari denaz, izan dituen zailtasunez, egin dituen akatsez, behar duen laguntzaz, eta hobetzeko eta aurrera egiteko bideez.

Ebaluazio hori hausnarketa-ariketa da, aurretiko ezagutzak prozesuan ikasten ari denarekin lotzeko aukera ematen duena. Akatsak abiapuntu gisa hartzen ditu, zailtasunez jabetzeko eta haiei aurre egiteko. Helburua ez da ikasleek zer ez dakiten jasotzea; jakitea baizik ezaguerak nola aplikatzen dituzten, informazioa nola lotzen duten, konponbideak bilatzeko trebetasunak nola aktibatzen dituzten... Ebaluazio horrek irizpide, adierazle eta ikasketa-helburu zehatzen multzo zabal bat izan behar du oinarrian, ez zenbakizko kalifikazio soil bat.

Gaitasunetan oinarritutako ebaluazioak lehenetsi egiten ditu ulertzea, aztertzea, lantzea, justifikatzea eta erantzunak argudiatzea, eta ez informazioa buruz ikastea eta errepikatzea.

Proposatutako jarduerak, nahiz azterketa-, koebaluazio- eta autoebaluazio-tresnak irakasleen erreferenteak dira, ikasleen ikasketa-prozesua nahiz haiek lortutako emaitzak baloratzeko.

Oinarriak

Materialaren aurkezpena eta deskarga

Proiektu honen filosofiaren gakoetako bati jarraiki (Arakatu, sortu, argitaratu eta partekatu), material hau irekia, pertsonalizagarria eta berrerabilgarria da. Materiala erabiltzeko, ondorengo prozesuari jarraitu behar zaio. Gida egiteko erabili diren irudiak sekuentzia jakin bati dagozkio (Laburpena) eta, beraz, orientagarriak dira.

Sekuentzia didaktiko bakoitzak, ZIP fitxategi bat deskargatzeko atal bat dauka. Material deskargagarria.

Lotura hori aukeratzean ZIP fitxategi konprimitu bat deskargatzen da:

Gorde fitxategia botoian klik egingo dugu fitxategia gure ordenagailuan deskargatzeko. Behin ordenagailuan izanda, bi klik egingo ditugu fitxategiaren gainean, deskonprimitzeko programarekin ireki eta edukia ikusteko:

Landuko dugun materiala non gorde zehaztuko dugu eta karpetak bertara aterako.

Behin materiala deskonprimituta, karpeta zabaldu eta hiru karpeta ikusiko ditugu:

  1. Sekuentziaren edukia: Ikasl_sekuentzia

  2. Estiloarekin ikusteko behar diren artxiboak: Zz_programa

  3. Imsmanifest.xml fitxategi bat, Moodle-ek edo antzeko plataforma batek prozesatzeko informazioa duena. Bertan, ikastaroaren edukiak zuzen azalduko zaizkio erabiltzaileari, dagokion balio pedagogikoa erantsita.

Oinarriak

Zer dago karpeta bakoitzean eta zertarako balio du?


Orain karpeta guztiak aztertuko ditugu.

Ikasl_sekuentzia

Sekuentzia guztiek dute Ikasl_sekuentzia izeneko karpeta bat.

  • Sekuentzia ikusteko lehen urratsa “index” fitxategia zabaltzea da eta sekuentzia guztian zehar nabigatzea.
  • Moduluen karpetan hizkuntza direktorio bat dago. Guk “eu” karpeta ikusiko dugu, bertan baitago euskarazko bertsioa.

  • Karpeta barruan sekuentziaren .html fitxategi guztiak daude zenbakiz ordenatuta. Edozein eduki argitaratu nahi badugu, Dreamweaver (jabedun softwarea) edo Kompozer (software librea) erabil dezakegu.

  • “01modulua_p.html” fitxategia inprimatzeko bertsioari dagokio.
  • Materialen karpetan “img” karpeta nabarmentzen da, bertan baitaude sekuentziako irudi guztiak. Baten bat gehitu nahi bada, nahikoa da karpetan txertatzea eta dagokion html lotura egitea.
  • Modu berean, materiala ere txerta daiteke deskargen (fitxategi konprimituak), .swf fitxategien (eskuliburu eta animazioak) eta inprimatzekoen karpetetan; bertan, materialaren .odt bertsioa dago, editatu eta .pdf formatura esportatu ahal izateko.

Zz_programa karpeta

Ondoren zz_programa karpetan sartuko gara, bertan baitaude sekuentzia ohiko estiloan bistaratzeko behar diren fitxategi guztiak.

Karpeta hori egituratik kanpo mugitzen badugu, materiala modu honetan ikusiko dugu:

Imsmanifest

“js” karpetak eta imsmanifest.xml fitxategiak ikasketarako plataforma birtualetako nabigatzaileei dagozkie, eta beraz, ez da komeni haiek editatzea.

Helburu hauek hartu dira kontuan materialen egitura zehazteko:

  • Sekuentzian lantzen diren edukiak pertsonalizatzea.
  • Proposameneko edozein osagai gehitu, aldatu edo ezabatzeko aukera izatea.
  • Irudiak, materialak eta sekuentzien edukiak berrerabiltzeko aukera izatea.

Laguntza

Laguntza
  1. Ezker menua (goitik beherako ordena): sekuentziaren orri nagusiaren ikurra (home), iturriaren tamainaren ikurra, inpresio ikurra, laguntzarako sarrera ikurra eta edukinaren aurkibidearen ikurra.
  2. Materialaren izena barra eta sekzio aktualaren izenburua.
  3. Nabigazio geziak (hurrengo edo aurreko orrialdea).
  4. Edukinarentzako hutsunea.

Autor:

Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.

1. Material irekia, pertsonalizagarria eta berrerabilgarria

Sekuentzia didaktiko bakoitzak konprimitutako fitxategi bat dauka, deskargatzeko ZIP fitxategi bat, helburu hauekin:

  • Sekuentzian lantzen diren edukiak pertsonalizatzea
  • Proposamenean edozein atal gehitzea, aldatzea edo ezabatzea
  • Sekuentzietako irudiak, materialak eta baliabideak berrerabiltzea

Sekuentzia honen fitxategia deskargatzera eta askatasun osoz aztertzera gonbidatzen zaitugu. Esteka honetatik egin dezakezu.

Materialen egiturari edo sarbideari buruz laguntza edo orientabideak behar badituzu, ez utzi materialen erabilerari buruzko atala irakurri gabe.

2. Erabilpen anitzekoa

Sekuentzia didaktiko guztiak bi modutan erabil daitezke:

    • ONLINE: Kontsultak sarearen bidez eginez, prestakuntza-plataforma baten bitartez edota esteka edo URL baten bidez.
    • OFFLINE: ZIP fitxategi bat deskonprimituz, ordenagailuan bertan lan egiteko, Internetera konektatu gabe.

3. Bertsio bereiziak irakasleentzat eta ikasleentzat

Sekuentzia didaktikoak sortzean arreta berezia jarri da bi erabiltzaile-profiletan:

  • Irakasleek eskura dituzte ikasleei zuzenduriko lan-proposamena aztertzeko sarbidea, gida didaktikoa eta proposaturiko ariketen erantzunak.
  • Ikasleek eskura dituzte ariketen proposamena ikusteko sarbidea, eta proposamena praktikan jartzeko erabiliko dituzten materialen eta baliabideen zerrenda.

4. ADEaren erabilera ikasgelan

Sekuentzia didaktikoen diseinuak sustatu egiten du arbel digital elkarreragilea (ADE) erabiltzea. Horrela, irakasle batek hauek egin ditzake ikasgelan:

  1. Sekuentzia bat aztertu eta, bertatik, taldean aurkezteko edukiak hartu.
  2. Landu nahi dituen sekuentziaren edukiak, aurkezpenak, animazioak eta materialak proiektatu.
  3. Pixkanaka, praktika berritzaileak ikasgelako eguneroko lanean txertatu.
  4. Ariketa elkarreragileak, problemetako egoeren azterketak, eztabaidak eta taldeko zuzenketak erraztu.
  5. Arbelaren zentzua eta aurkeztutako edukiak indartzeko tresna eta funtzionalitate malguak erabili, ikasleen arreta lortzearren.

5. Plataforma- eta aukera-aniztasuna

Plataforma- eta aukera-aniztasuna

Sekuentzia didaktiko guztiak linean landu daitezke, besteak beste, Moodle edo LAMS plataformen bitartez, ikasleen jarraipenerako eta kontrolerako tresnak baliatuz. Sekuentziak Moodle batean erabili nahi baditugu, beharrezkoa izango da sekuentzien ZIP fitxategia deskargatzea (ikasleen bertsioa) eta Moodle, blackboard edo antzeko ezaugarriak dituen plataforma batera inportatzea.

Horretarako, administratzaile-baimena behar da delako plataforma horietan, eta sistemak adieraziko dituen urratsak jarraitu (garrantzitsua da edukia nola inportatu azaltzen duen plataformako tutoriala oinarri hartzea).