- Nahasteen bereizketa
- Irakasleentzako gida
ZUZENDARITZA: Narcís Vives
KOLABORATZAILEAK:
- PRODUKZIO-ZUZENDARITZA: Antonio Cara
- EDUKI-ZUZENDARITZA: Mª Cristina Pérez eta Magdalena Garzón
- INGURUNEAREN EZAGUERA ARLOAREN KOORDINAZIOA: Elena Anguera
- ZUZENDARITZA TEKNIKOA: Maite Vílchez
- EGILEAK: Lorena Natalia Inzillo, María Inés Rodríguez eta Miguel Poza
- GAZTELERAZKO BERTSIOAREN ESTILO-ZUZENKETA: Anna Betriu eta Joan Martín
- EUSKARARA ITZULPENA: Bakun itzulpen eta argitalpen zerbitzuak, s.l.
- MAKETAZIOA: Maite Vílchez eta Miquel Gordillo
Aurkezpena
Nahaste homogeneoen bereizketa
Inguruan ikusten duzuen guztia materia da, baina hori substantzia purua edo nahastea izan daiteke. Besteak beste, hauek dira substantzia puruak: ura, ikasgelako botika-kutxako alkohola, zilar puruzko eraztun bat edo hesi bateko burdina.
Eta nahasteak? Bada, inguruan dugun ia guztia! Beharbada, ez zarete konturatu, baina hala da: zuen etxeak nahasteak erabiliz eraikitzen dira, nahasteak jaten eta janzten dituzue, are arnasten ere…
Gure eguneroko bizitza mota guztietako nahastez beteta dago. Batzuetan, lortu egin behar ditugu; beste batzuetan, berriz, hasierako osagaiak bereizi beharra dago. Hori nola egiten den jakitera gonbidatzen zaituztegu!
Abentura hastera doa!
Aztertu, sortu, argitaratu eta partekatu
1. jarduera
Nahaste motak
Nahasteez pentsatzen dugunean, substantzia batzuk beste batzuekin elkartzeaz pentsatzen dugu. Batzuetan, posible da substantziak bereiztea haiek nahasi ondoren; adbidez, galleta txokolatedun batzuetan txokolate-pipitak bereiz ditzakegu. Beste batzuetan, berriz, hasierako osagaiak ezin dira bereizi: urmargo horia urdinarekin nahasten baduzu, urmargo berdea lortzen da, baina horretan ezin dira bereizi kolore horia eta urdina. Kontua da zenbait nahaste mota daudela, eta jarduera honetan haiek nola sailkatzen diren ikasiko duzue. Hortaz, ekin nahasteari! |
|
Jarduera – lehen zatia
Nahasteak ikasten hasi baino lehen, atzo jandakoaz pentsatzea proposatzen dizuegu. Jangai guztien zerrenda egin behar duzue. Garrantzitsua da zehaztea zer jan zenuten gosarian, zer bazkarian, zer askarian eta zer afarian. Ez baduzue otordu horietakoren bat egin, pentsatu otordu guztiak egin zenituzten beste egun batez. Garrantzitsua da dena idatziz jasotzea, are edan zenutena ere; ez ahaztu ezer!
Deskargatu taula hau (taula.zip) eta erabili galdera hauek taula osatzeko gida moduan:
Gosaria:
- Esne hutsa edan zenuten, ala kakaoarekin?
- Azukrea, eztia ala edulkoratzailea gehitu zenuten?
- Ogi zuria, integrala, txigortua ala galletak jan zenituzten?
- Eta fruta-entsalada bat ala zuku bat?
Eta bazkarian?
-
Hasteko, beharbada, barazki-zopa jan zenuten? Ala salda hutsa?.
Zer izan zen plater nagusia?
Zehaztu gogoratzen dituzuen osagai guztiak. Ez badakizue nola prestatu zuten jatekoa, galdetu kide edo heldu bati, bai eta, ahal baduzue, hura prestatu zuenari ere. Argitu gatza, olioa, ozpina edo ongailuren bat gehitu zuen, eta erregistratu dena.
Egin gauza bera askariarekin eta afariarekin.
Amaitutakoan, eduki zerrenda gordeta minutu batzuetan; gero berriz erabiliko duzue galdera batzuei erantzuteko.
Demagun, orain, zuen taulan hauek eta gisako elikagaiak daudela:
| Gosaria | |
Edaria: Kakaoa esnearekin | Osagaiak:
|
Bazkaria: Galleta gozoak | Osagaiak:
|
Pentsatu une batez gosariari buruz… Kakao-hautsa erabili duzue? Nola egin zenuten? Kakaoa katiluan jarri, esnea bota eta gero azukrea gehitu zenuten? Eta, ziur aski, dena oso ondo nahasiko zenuten koilara batez! Orain pentsatu… Zenbat osagai zituen zuen edariak? Edan bitartean, esnea edo azukrea ikusten edo bereizten zenuten? Ez, ezta?
| Bazkaria | |
Edaria: Ur minerala | Osagaiak:
|
Hasierakoa Entsalada | Osagaiak:
|
Lehen platera: Makarroiak carbonara erara | Osagaiak:
|
Bigarren platera: Txekorra plantxan egina patata frijituekin |
Osagaiak:
|
Postrea: Esne merengetua (ikus erantsitako errezeta hau.) | Osagaiak:
|
Entsaladaz pentsatzen baduzue, ordea, zer eta zenbat izango dira osagaiak? Ikus dezagun... tomateak, piperrak, tipulak, zainzuriak, olioa, ozpina eta gatza; hau da, zazpi osagai. Baina haietatik zenbat bereiz ditzakezue? Ziur aski, tomateak, piperra, tipulak eta zainzuriak baino ez, gatzozpinak (hau da, olioa, ozpina eta gatza) oso ondo integratuta daudelako beste elementuekin.
Gosarian hartutako kakaoa nahiz bazkarian jandako entsalada nahasteak baitira.
Eta, orduan, zer da nahastea?
Bada, batuta dauden bi osagai edo substantzia, edo bi baino gehiago. Jakina, berehala konturatu zarete: oso nahaste desberdinak dira!
Entsaladan, osagaietako batzuk begi hutsez bereiz edo ikus ditzakezue: nahaste heterogeneoa da (“hetero” hitzak “desberdina” esan nahi du, nahastearen itxura eta osaera ez baitira berdinak nahaste osoan). Nahaste heterogeneoetan osagaiak begi hutsez edo mikroskopio optikoa erabiliz bereizten dira.
-
Kakaoarekin nahasitako esnearen kasuan, berriz, osagaiak ezin dira begi hutsez bereizi (badituela jakin arren), eta osagai guztiak substantzia bakarra balira bezala ikusten dituzue. Oraingo honetan, nahastea homogeneoa da (“ homo” hitzak “berdina” esan nahi du), alde guztietan itxura eta osaera bera duelako, eta osagaiak ezin ditugulako bereizi ez begi hutsez, ez mikroskopio optikoa erabiliz.
Zenbait nahaste etxean nola prestatu ohi diren ikusiko duzue bideo honetan:
Egin ariketa hau, nahaste homogeneoak, heterogeneoak eta substantzia puruak bereizteko: Nahaste motak
1. jarduera. 2. zatia.
Nahaste motak: soluzioak
Erreparatu berriz ere entsaladari: zazpi osagai ditu, baina lau baino ezin dituzue bereizi (tomateak, piperrak, tipula eta zainzuriak), ezta? Orduan esaten dugu nahaste horretan lau zati edo fase bereizten direla. Kakaoarekin nahasitako esnearen kasuan, berriz, osagaiak hiru dira (esnea, kakaoa eta azukrea), baina bat bakarra direla ematen du; hau da fase bat baino ez dugu ikusten. Bereiz dezakegun osagai bakoitzari esaten diogu nahastearen fasea. Zer ondoriozta dezakezue orduan? Bada, nahaste homogeneoetan fase bakarra dagoela. Horrelako nahasteei soluzio ere esaten zaie.
Soluzioak, besteak beste, bi likido edo gehiago nahasiz, likidoak solidoekin nahasiz eta gasak nahasiz lor daitezke.
Kakaoarekin nahasitako esnearen kasuan, azukrea bota ondoren ezin duzue ikusi, ezta? Soluzioetan, soluzioko kantitate txikieneko substantziari solutu esaten zaio; behin integratu ondoren, badirudi “desagertu” egiten dela, solutua disolbatu egiten delako.
Soluzioko kantitate handieneko substantziari, berriz, disolbatzaile esaten zaio. Kakaoaren eta esnearen arteko nahastean, esnea da disolbatzailea.
Iturria: http://estudios-quimicos.blogspot.com/ 2010_06_01_archive.html
Jarduera – bigarren zatia
Proposatu dizuegun adibidean, kakao-esneaz eta entsaladaz gain, beste elikagai batzuk ere aipatu ditugu: makarroiak, esne merengatua eta ur minerala. Zer dira: nahasteak, substantzia bakarra? Zergatik?
Hitz egin zuen artean eta erabaki. Nahasteak direla uste baduzue, eztabaidatu nahaste horiek homogeneoak ala heterogeneoak diren, eta zergatik.
Gogoan duzue lehen egin duzuen elikagaien zerrenda? Bada, orain beste bi zutabe jarri beharko dituzue taula horretan, honako hauek adierazteko:
nahaste mota (homogeneoa ala heterogeneoa)
eta faseen kopurua.
Ikusi osagairen bat falta zaizuen osagaien zerrendan.
Ulertzen duzue orain zergatik zen hain garrantzitsua jatekoa prestatu zuenari galdetzea? Horrela baino ezingo duzue jakin zenbat osagai zeuden hartan!
Zuen taulan zutabe gehiago jartzeko, egin hauek:
Jarri kurtsorea taulako azken zutabean.
Aukeratu Taula menua; gero Txertatu; eta, azkenik, Zutabeak.
Zabalduko den leihoan, handitu 2raino zutabeen kopurua eta utzi eginda Atzean aukera. Egin klik Onartu aukeran.
Taula prest daukazue osatzen jarraitzeko!
Taula osatu ondoren, egin ariketa hau eta ikusi zuek egindako taula zuzena den erantzunak kontuan hartuta: Aukeratu.
2. jarduera
Nahaste heterogeneoak bereizteko metodoak: iragazketa eta dekantazioa
Nahasteak eta soluzioak
Nahaste asko (aurreko jarduerako jangaiak, adibidez) guk geuk egiten ditugu, baina beste asko “prestatuta” etortzen dira. Baten bat bururatzen zaizue? Zuen etxeetan horrelako asko eta asko daude! Hortzetako pasta, hormetarako pintura, almendra-izozkia, desodorantea, eskolan erabiltzen duzuen binilo-itsasgarria, idazteko papera, janzteko elastikoen oihala eta abar.
Baina posible da hasierako osagaiak berriz lortzea edozein motatako nahaste batean?
Har dezagun, adibidez, bazkariko entsalada. Tipula dauka, baina zer egin dezakezue ez bazaizue gustatzen osagai hori? Bada, ziur aski, koilara edo sardexka batez kendu ahal izango duzue, ezta? Baina beti ez da hain erraza izaten. Adibidez, jakingo zenukete nola kendu azukrea fruta-zuku bati gozoegia badago?
Nahasteak bereizteko zenbait metodo daude. Orain, haietako batzuk aztertuko ditugu.
Irudia hemendik atera da: http://medusa.unimet.edu.ve/ educacion/fbqi21/matraz.jpg
Jarduera
Iragazketa: Substantzia solido bat substantzia likido batetik bereizteko erabiltzen da; normalean, likido batean barreiatuta dauden oso partikula solido txikiak izaten dira. Prozedura oso erraza da: nahastea iragazki batetik pasatzen da, eta iragazkiak likidoa pasatzen uzten du, baina ez solidoa.
Etxean askotan erabili duzu iragazketaren metodoa, horretan ari zinela jakin gabe; adibidez: zukua egitean, iragaztekoa mamia bereizteko erabiltzen duzun bakoitzean; edo pasta egitean, xukagailua ura kentzeko erabiltzen duzunean.
Dekantazioa: Dentsitate desberdineko substantzia likidoak bereizteko erabili ohi da. Nahastea bi osagaiak bereizteko adina denbora pausatzen uzten da (dentsitate handienekoa hondora joango da). Ondoren, dekantazio-inbutu bat erabiltzen da; inbutuak ixteko giltza dauka hondoan. Giltza irekitzean, osagai dentsoena erori egingo da, eta dena erori denean, giltza berriz itxiko dugu. Horrela bereiziko ditugu osagaiak.
ESPERIMENTUA
Orain, gure nahasteak bereizteko erabiliko ditugu metodo hauek. Banatu lauzpabost kideko taldetan
Material hauek beharko dituzue:
- Harea xehea.
- Olioa.
- Iragazpapera
- Inbutua
- Prezipitatu-ontzia
- Dekantazio-inbutua
- Euskarria
- Edalontzi bat
- Plastikozko botila txiki bat
Bideo bat egin behar duzue esperimentuan zehar, eta bertan prozedurak jaso.
Lehendabizi, nahasteak egingo ditugu:
- Bota ura eta harea xehea edalontzian, eta ondo irabiatu.
- Bete plastikozko botilaren erdia urez eta beste erdia olioz.
Grabatu nola egiten dituzuen nahasteak.
Orain, osagai bakoitza bereizi behar dugu. Nola?
Ura eta harea bereizteko, iragazketa erabiliko dugu; olioa eta ura bereizteko, berriz, dekantazioa.
Harearen eta uraren bereizketa. Ura eta harea bereiziko ditugu. Eskeman ikusten den bezala, jarri iragazkia inbutuaren gainean, eta finkatu inbutua euskarrian, doi-doi prezipitatu-ontziaren gainean. Zuetako batzuek gauzak antolatu bitartean, besteek prozedura grabatu eta oharrak hartu behar dituzue, geroago, bideoa ikusi bitartean, azalpenak eman ahal izateko. Dena prestatu ondoren, harea- eta ur-nahastea bota behar duzue inbutura, eta itxaroan ur guztia prezipitatu-ontzira erori eta harea iragazkian gelditu arte.
Irudiaren iturria: http://3.bp.blogspot.com/ _LruEWdsfuaI/SnDke5St27I/ AAAAAAAAADQ/YeieTm-QZfQ/ s400/filtraci%C3%B3n.jpg
Olioaren eta uraren bereizketa. Ondoren olioa eta ura bereiziko ditugu. Dekantazio-inbuturik ez baduzue, bat egin dezakezue, jarraibide hauek kontuan hartuta: http://centros5.pntic.mec.es/ies.victoria.kent/Rincon-C/practica2/pr-53/PR-53.htm
Lehen bezala, antola zaitezte grabatzeko eta prozesu osoari buruzko oharrak hartzeko. Esperimentu guztietan arreta handiz jokatu behar duzue, kontuz erabili behar duzue materiala, bat-bateko mugimendurik egin gabe, egonarri ona izan behar duzue; adibidez, olioa eta ura dekantazio-inbutuan ondo bereizi arte itxaron behar da.
Lehendabizi, nahastea dekantazio-inbutuan botako dugu, eta olioa eta ura bereizi arte itxarongo dugu. Ondoren, dekantazio-inbutuaren azpian prezipitatu-ontzi bat jarriko dugu, eta hondoko giltza irekiko. Utzi lehen osagaia ateratzen; bietako zein den bereiz dezakezue?
Lehen osagai osoa erori denean, itxi giltza, aldatu ontzia eta ireki berriz. Horrenbestez, amaieran, bi prezipitatu-ontzi izango ditugu, eta osagai bat bakoitzean.
Egin ariketa hau: Egia ala gezurra.
3. jarduera
Nahaste homogeneoak bereizteko metodoak: lurrunketa eta destilazioa
Sartu animazio honetan, lurrunketa zertan datzan jakiteko:
Egin klik Lurrunketa aukeran eta ikusi zer gertatzen den.
Erne egon zarete? Bertan azaltzen da badagoela lurrunketa izeneko metodo bat nahaste homogeneoak bereizteko, likidoen ezaugarri bat “baliatzea” oinarritzat duena: tenperatura jakin batean berotzen direnean, irakiten hasi eta lurrun bihurtzen dira. Horrenbestez, likido baten eta solido baten nahastearen tenperatura igotzen denean (animazioan, ur- eta azukre-nahastearenarena), ura lurrundu egiten da; ez, ordea, azukrea, ontzian geratzen baita.
Likido osoa lurrundu ondoren, berriz lor dezakezue azukrea. Horrela, nahastearen osagaiak bereizi egiten dira. Nahaste baten osagai likidoaren lurrunketaren bidezko bereizketa-metodo honi esker, solidoak lortzen dira.
Prozesua oso zaila dela pentsa dezakezue, baina etxean zopa prestatu eta zenbait egunetan jaten duzuenean gauzatzen da. Zer gertatzen da zoparen zaporearekin berotzen duzuen bakoitzean? Ziur aski, ohartuko zineten zaporetsuago (edo gaziago) dagoela; izan ere, berotzen duzuen bakoitzean, likidoa soilik lurruntzen da, baina gatza eta beste ongailu solidoak ontzian gelditzen dira eta, horregatik, zopa gero eta gehiago gazitzen eta loditzen da.
Ura lurruntzen jarraitzen baduzue, azkenean, zopako gatza eta solidoak (pasta, barazkiak...) lortuko dituzue, animazioaren adibidean azukrearekin gertatu bezala.
Orain, pentsatu: zer gertatzen da ez baduzue berotzen likidoa? Lurrunketa gerta daiteke nolanahi ere? Jakin nahi baduzue, egin oso esperimentu erraz hau:
Hartu edalontzi bat eta bete urez erdiraino. Egin marra bat markagailu ezabaezin batez, likidoa noraino iristen den adierazteko. Utzi edalontzia giroko tenperaturan (sukaldeko lekuren bat izan daiteke).
Egun batzuen buruan, begiratu likidoa egindako marraren maila berean dagoen. Bai? Ez? Zuen ustez, zer gertatu da?
Hori ere lurrunketa da! Ziur aski, ura irakite-puntura iristen denean soilik lurruntzen dela pentsatu duzue. Baina ez beti!
Irakitea ur-masa guztiari gertatzen zaion fenomeno bat da, baldin eta ura berotu egiten bada, eta 100 ºC-tik hurbil gertatzen da. Irakiteak lurrunketaren abiadura handitzen du; horregatik, prozesua azkartu egiten da likidoa berotzean.
Lurrunketa, berriz, likidoaren azalean zertzen da, eta giroko tenperaturan gerta daiteke. Zer abiadurarekin? Lurrunketa-azaleraren arabera. Likidoa ontzi batean badago, haren azalera zenbat eta handiagoa izan, orduan eta azkarrago lurrunduko da.
Egiaztatzeko, esperimentu erraz bat egin dezakezue bi ontzitan ur-kantitate bera jarrita: ontzi baten ahoa zabalagoa izango da bestearena baino, eta bietan uraren maila markatu beharko da. Begiratu egunero aldaketarik izan den eta idatzi zer gertatu den.
Ulertu dugu zer den lurrunketa. Zer gertatzen da solidoa soilik lortu beharrean, likidoa eskuratu nahi baduzue? Bada, lurruna nolabait berreskuratu beharko dela.
Destilazioa da hori egiteko metodoetako bat.
Ikus dezagun zertan datzan.
Zer kasutan erabil dezakezue destilazioa?
Osagai likidoa osagai solidotik bereizteko balio du metodo honek; adibidez, ur- eta gatz-nahaste batean erabil daiteke. Tenperatura desberdinetan dirakiten bi likidoren soluzioak bereizteko ere erabiltzen da; uraren eta alkoholarena, adibidez.
Antzinako alkimista bere laborategian.
Destilazioa, kimika arrunteko beste jardunbide asko bezala, alkimisten asmakizuna da.
Dirudienez, prozesua azaltzeko eskema hau eta gisakoak K.a. 300. urtetik dira ezagunak.
Iturria: http://saberparacomerlosdestilados.blogspot.com/
2008/05/historia-de-la-destilacion.html
Ikus bideo honetan ardoaren destilazio-saiakuntza bat:
Nola funtzionatzen du destilazioak?
Destilazio bakuna
Ura eta solutu bat (edozein) disolbatzen direnean, nahastea sutan ere erabil daitekeen ontzi batean jartzen da.
Irudian baloi bat ikus dezakezue, azpian pizgailu bat jarrita daukana. Nahastea berotzean, ura lurrundu egiten da, baina solutua ez, lurrunketaren animazioan ikusi duzuen bezala: http://portal.perueduca.edu.pe/modulos/m_soluciones/laboratorio_hidratantes2.swf
Oraingoan, lurruna, giroan “galtzen” utzi beharrean, hozteko gailua deritzon aparatu batean hozten da (aparatuak bi hodi ditu; bata bestearen barruan dago). Barneko hoditik ur-lurruna pasatzen da, eta kanpokotik ur hotza. Lurruna, hoztutakoan, kondentsatu egiten da, eta haren egoera aldatzen; horren ondorioz, ur likido bihurtzen da, eta beste ontzi batean berreskuratzen. Horrenbestez, nahastea bereiz dezakezue, eta osagai likidoa (ura) berreskuratu; solidoa (gatza), berriz, hasierako ontzian geratuko da.
Hemendik egokitutako irudia: http://fraymachete-fq.blogspot.com/ 2008/11/destilacin-simple_13.html
4. jarduera
Destilazio bakunerako prozedura azaltzeko kontaketa diseinatzea eta prestatzea. Egindako saiakuntzen azalpena
Orain badakizue nola destilatzen den; hortaz, jarduera amaitzeko, bideo hauei soinua jartzea proposatzen dizuegu, zuen azalpenarekin aberasteko. |
Bideo baten lokuzioa egiten Jing programa erabiliz |
Jarduera
Bi bideoren lokuzioa egingo dugu.
Batean, destilaziorako gailuen prestatze-lana ikus dezakegu:
Bestean, destilazioa bera gauzatzeko zer urrats egin behar diren azaltzen da:
Talde bakoitzak bi bideoetako baten ardura hartuko du.
Zer bideo egokitu zaizuen jakin ondoren, ikusi arretaz eta egin denon artean ikusten ari zaretena deskribatzeko kontaketa bat. Ziurtatu hauek guztiak jasotzen dituzuela:
Prestatze-lanen bideoan:
Zer material dira beharrezko saiakuntza egiteko?
Nola egiten da destilagailua?
Destilazioaren bideoan:
Zertan oinarritzen da prozedura hau?
Zein dira urratsak?
Zer lortzen da saiakuntza amaitutakoan?
Idatzi gidoia, eta errepasatu, bideoak ikusi bitartean denborak praktikatzeko. Bideoa pausatzeko uneak adieraz ditzakezue gidoian; edo eten bat egin zuen kontaketan
Bideoaren gidoiaz ados jarri ondoren, grabatzera!
Jing izeneko programa bat erabiliko duzue bideoaren lokuzioa grabatzeko.
Ordenagailuan oraindik instalatu gabe baduzue, helbide honetatik deskarga dezakezue:http://www.jingproject.com
Kontsultatu ikasleentzako Jing tutoriala: programa erabiltzeko jakin behar duzuen guztia ikasiko duzue zortzi urratsetan.
Taldeetako bakoitzak ikaskideen aurrean aurkeztu beharko du egin duen bideoa, iragazketa eta dekantazioa lantzean egindakoekin batera.
Beste taldeen bideoak ikusi bitartean, osatu “koebaluazioa” egiteko orri hau..
Laguntza
- Ezker menua (goitik beherako ordena): sekuentziaren orri nagusiaren ikurra (home), iturriaren tamainaren ikurra, inpresio ikurra, laguntzarako sarrera ikurra eta edukinaren aurkibidearen ikurra.
- Materialaren izena barra eta sekzio aktualaren izenburua.
- Nabigazio geziak (hurrengo edo aurreko orrialdea).
- Edukinarentzako hutsunea.
Autor:
Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.
Copyright:
Lorem ipsum dolor sit amet, consectetur adipisicing elit, sed do eiusmod tempor incididunt ut labore et dolore magna aliqua. Ut enim ad minim veniam, quis nostrud exercitation ullamco laboris nisi ut aliquip ex ea commodo consequat. Duis aute irure dolor in reprehenderit in voluptate velit esse cillum dolore eu fugiat nulla pariatur. Excepteur sint occaecat cupidatat non proident, sunt in culpa qui officia deserunt mollit anim id est laborum.
Baliabideak
Baliabide hauek erabiliko dituzue sekuentzian zehar:
Jing |
|
| Bideoak eta animazioak |
|
Zabaltze-materiala |
Nahaste motak eta bereizketa-metodoak azaltzen dituzten web-orriak. Zabaltze-materiala: |
Jing tutoriala
Egin klik irudian, aurrera egiteko:
Jing tutoriala
Egin klik irudian, aurrera egiteko: